رواية حلوة ومشوقة من البداية الدكتورة أليكس بيتم اختطافها وبتتعرض لتجربة بشعة وبعدين الي خطفها بيرجعها تاني ولما تحاول تشرح الي اتعرضت له محدش بيصدقها والكل بيفتكر انها مريضة نفسية والمشكلة انه حتي انا نفسي مع الوقت ابتديت اشك فيها هل هي فعلا اتخطفت ولا هي مجرمة وبتغطي علي الجرائم الي بتعملها وده لان الغريب ان أغلب الي تعرفهم واقرب ناس ليها حبيبها وصديقتها وزميلها كله شكك في عقلها محدش منهم ساندها او فكر للحظة انها ممكن تكون اتعرضت للي بتتكلم عنه وده صعب اوي ان اقرب ناس ليك تتخلي عنك في محنتك ده ضغط علي اعصبها أكثر وخلاها تلجأ لمسكنات والكحول ولما عملت ده اصحابها شافوا ده مبرر انهم مش صدقوها لانها تعبانه اهي وشربت كحول محدش فكر ان ده بسبب انهم تخلوا عنها لكن في النهاية بتظهر الحقيقة وان السبب دكتورة زميلتها عندها اضطراب نفسي وكان نفسي الكاتبة توضح بعد كده هيبقي ايه رد فعل اصحابها الي تخلوا عنها بعد لما الحقيقة ظهرت
وحقيقي الشراطة كان باين ان مفيش عندهم اي مهنية وده مشابه للواقع في الغالب بيكون عاوز يقفل القضية باسرع وقت وبيكونوا سبب في قتل ناس تانية لحد لما يكتشفوا انهم مغفلين وان المجرم شخص تاني سيبينه بيتحرك براحته من الاول حتي المحقق المسؤول عن القضية تحسه مغفل اوي والي اجبره يشغل مخه لما لقي ناس قريبة من ألكس مصممين انها بريئة