مقدرتش أكمله.
قرأت ١١ قصة من ١٦، وكنت بزق في نفسي عشان اخلصه وكان واخد مني وقت طوييييل على الرغم من انه كتاب قصير لكن أخيراً استسلمت النهاردة بعد قراءة قصة عم صابر (لم أقرأ القصص بالترتيب) ولما لقيت النهاية كئيبة زي اللي قبلها قلت كفاية كده.
في الحقيقة التقييم لو على أول قصتين فقط فهم رائعين ومن أجمل ما قرأت. انبهرت من مستوى البلاغة لدى الكاتب والتشبيهات والوصف، يعني انا كنت مخيلة القصص بوضوح في خيالي كأني بتفرج على فيلم من وصفه الجميل، فتحمست جداً لقراءة الباقي لكن للأسف بقدر الحماس كان الاحباط اللي حسيت بيه.
قصص نهايتها في غاااااية الكآبة لدرجة اني حسيت انها بدون مغزى وانا مش بحب النوع ده من الكتب. مجرد تعبير عن البؤس بدون أي بارقة أمل. بقيت اقوم بعد قراءة القصص وانا منزعجة ومخنوقة. غير قصة نظرة مثلاً: فعلاً حسيت ان ملهاش أي مغزى. حسيت بالاستفزاز.
ممكن اعطي خمس نجوم للكاتب على اسلوبه اللغوي، لكن نجمتين لأننا مش ناقصين غم.