قبل ما أتكلم عن العمل .. هاتكلم عن رغبة المؤسسة في وجود سلاسل حديثة تربي جيل جديد علي حب القراءة ، و وجود الأستاذة شيرين هنائي في المشروع ده شئ اساسي و مهم و مفاجأة حلوة لما تم الإعلان
نيجي بقي للعمل نفسه "صيد فيل مجنح" ، بالرغم من اني متعود على أسلوب و طريقة كتابة شيرين هنائي خاصة اني قارئ لاشيني ، ألا اني هنا حسيت باختلافات في اللغة و الأسلوب عن المعتاد
- الفكرة و تركيبه العمل حلوة ، تحس كده ان كومبو كتير من القراء يحبوا النوع ده
- تسارع الأحداث في الجزء الأخير عاوز بطل جري مسافات طويلة
- شخصية يحيى المحيرة بالنسبالي و اعتقد اني في الاجزاء القادمة هنتعرف علي أعماقه اكتر
- مريم الشخصية الغريبة شوية ممكن تشوفها مريضة و شوية تشوفها قاتلة تستحق الموت ، حسيت بتشابة بين شخصية مريم و بين شخصية ديكستر مورجان بطل مسلسل ديكستر
- الصراحة الفضول مجنني أعرف إتجاه السلسلة في الأجزاء القادمة هيكون ايه و ازاي يحيى و مريم هيتعاملوا مع بعض بعد الكشف عن وجود رابط بينهم و هل ممكن نشوفهم كفريق عمل واحد ؟!
سلبيات العدد ده بالنسبالي :-
- فكرة اسم صيد فيل مجنح حاسسها مش افضل اختيار كاسم
- مكالمة التليفون بين يحيى و والدته و الكشف له عن سرها و قدرتها كنت احب يكون ده وجه لوجه.