تبتدأ احداث القصة بشاب اسمه رجائي.. لابس بدلة الأعدام ومنتظر دوره في الزنزانات، وأثناء جلوسه منتظراً دوره بدأ يكتب للقاضي (الي حكم عليه بالاعدام) اوراق كتير اوي

اوراق فيها قصته، وما حدث ليكون مصيره كدا!

⚠️تصلح الرواية لمن هم ١٨+ ⚠️

افضل ما يميز العمل دا لغته وطريقة سرده المميزة بجد.. الكاتبة صنعت لغة فعلا حلوة ويمكن كانت سبب كبير في قدرتي اني اكمل عمل غلب عليه الملل في كتير من الأحيان!!

وبالرغم ان طريقة السرد الي بتكلم عليها سببت لي لغبطة في الاول إلا ان بعد كام صفحة أعدت عليها..

الوصف بالرغم من أقتضابه إلا انه كان كافي

شخصيات العمل هي لب الموضوع، قليلين..

اسرة صغيرة في بيت صغير.. البيت الي دار فيه احداث ادت إلي اصدار حكم بالاعدام علي رجائي

وشوفنا تقلبات في البيت من حزن وفرحه ويأس وغيره

ونجح العمل ف انه يخليني اتعلق بالشخصيات والتأثر بيهم

وعجبني جدا (الرمادية) مفيش هنا ضحية ومفيش جلاد كلهم بشر.. حقيقين

العمل بيناقش موضوع اجتماعي مهم، ودا يغفر سلبياته لأنه مش عمل للمتعة قد ما هو مناقشة فعلا مهمة..

حبيت تسلل الاحداث بس للأسف الحلو ميكملش

بالرغم من صغر حجم الرواية إلا ان في مط ملوش داعي في الاحداث

ومعظم الاحداث كانت متوقعة ف دا سبب ملل..