الحكاية بدأت من ساعة الاعلان عن اعمال دار دون الجديدة لفت نظري الغلاف الغريب حلو التصميم
و الاسم اللي مش مفهوم ولا باين حتي نوع الروايه منه هتكون ايه
لفت الايام و العمل توفر علي تطبيق أبجد
ثم اكتشفت اني فداء بيقرا العمل و بيقول اني العمل حلو اووي
و هناا اخدنا القرار انا و اسراء و هبه
اننا نقرا العمل سوا
فداء نزل مقاله عن العمل و قررنا اننا مش هنقرا كتب ايه عشان نبعد عن اي تاثير
انا كنت اخر واحد اخلص العمل بصراحه رغم اني كنت سابق
انما مين يعرف يغلبهم
بعيد عن قصة حياة السيد بطل الرواية حزينة و غالب عليها الحزن
الا اني لغة العمل العربية الفصحي كانت حلوة سلسة جدا
الرواية كان غالب عليها السرد و كان حلو جدا
الروايه اعتمدت علي فلاش باك كتير كان بيتحكي من البطل السيد كان ممتاز و ان كان بعض النقلات كانت مربكة شويه بالنسبالي
نيجي بقي لسلبيات العمل بالنسبالي و هنا انا بحذر اني في حرق للاحداث
⚠️⚠️
السيد اللي راح اخد حقه من مدير المحل و ضربه بالقلم ازاي بقي سلبي مع نور كده
السيد اللي كان راكب القطار و لاقي فرصه و فكر يستغلها ازاي يبقي سلبي مع نور كده
السيد اصلا وقع في غرام نور ازاي كده و هو متعلم و اشتغل في القاهرة ازاي يبقي علي نياته كده!!
السيد الراجل الفلاح المتعلم عدي ازي موقف بصق نور عليه في مره و كمل في العلاقه دي !!!
السيد اللي شك في نور ازاي برده كمل
السيد اللي قدر ينجح في التجاره و بقي صاحب توكيل ازاي اهبل كده
ازاي بقي و دي من النقط اللي هتجنني في العمل هو في نتيجة تحليل هتفضل موجودة 30 سنه !!!
تشخيص نور بالاصابة بورم في المخ تحديد خبيث ام حميد بيكون بتحليل الباثولوجي مش مجرد اشعة
ثم الدكتور اما قال اني في خطر عليها و في ظل مستوي السيد المادي كان ممكن يسافرها بره مصر تعمل العمليه
نقطه تغير السيد الابن ل اسمه هو في تغير اسم بالسهوله دي ليها اجراءات مش هتخلص في زيارة للسجل
اخر نقطه بقي و هو موت نور الفقرة بشكلها المكتوب بيها انا افتكرت اني الكهرباء رجعت
في غلطه صغيرة في الفقرة اللي بيقترحه ذهاب نور لطبيب نفسي لتحكم في سلوكها زي صفية
الفقرة مكتوبة اخبرتها صفية بانها يمكن ان تذهب للطبيب النفسي الذي تذهب اليه صفية