📌البيت من غير صايع حقه ضايع تصدق 🤔 آه 😉
عارفين حكاوى الحوارى
مش تريقة ده كلام من أرض الواقع
حكاية جايبها الكاتب من الشارع تخيل نفسه ماشى فى وسط الحارة وسامع كلامهم على القهاوى
شايف الستات من البلكونات وهما متابعين اللى رايح واللى جاى
مش فايته تفصيلة هتتخيل الحارة باللى فيها
نوفيلا بسيطة فى فكرتها عن" حمادة أوريو " اللى تحول من شاب خجول لـ " برمجى " وشبيح
ما هى الظروف تحول الكيوت لمجنون… مش مبرر أكيد للبلطجة لكن على رأى المقولة الشهيرة فى فيلم اللى بالى بالك " ليه اخترت تكون بلطجى ❓"
قالك واحد مصاحب على علوكة وأشرف كخة عايزاه يطلع ايه طيار 👨🏻✈️😄
هو من جواه بذرة صالحة بس كل ما ترويها يلوثها اللى حواليه… ويفضل " حمادة أوريو " فى حيرة ما بين الخير والشر اللى جواه سويتش اون واوف حسب الظرف والناس… وكان شايف أن السيطرة والقوة هى السلاح وكلمة المرور وسط الأوباش..
ويبقى السؤال هو فعلا ابن ضال ولا الضال فيه أمل فى هداه…
عجبتنى قوى علاقة الصداقة بين أبو رق وحمادة ويمكن من المشاهد وهقول مشهد 🎬 لأنى حسيت نفسى شايفاه اللى اثرت فيا…
زى ما قولت هى مش رواية من وجهة نظرى هى يوم قضيته فى حارة…هتحبها لو اعتبرتها لقطة فى فيلم طويل لأنها هتخلص منك فى السريع 🎥
#مكتبة_دنيا
#قراءات_٢٠٢٤