مشروع قراءة القائمة الطويلة لبوكر ٢٠٢٤
الرواية دي متكلفة زي ما بنقول دايما على الحاجة اللي اتعمل فيها مجهود، طول الرواية بنحس إن الشخصيات ليست كما تبدو عليه، فيبدأ الواحد يحط احتمالات لحقيقة شخصيات الرواية وعلاقاتهم ببعض، فييجي فصل النهاية، وبكل بساطة في بضع سطور يقلب كل حاجة ١٨٠ درجة.
أفكار الرواية متناسقة جدا مع بعضها، تقديم موضوع شائك بالنسبة للمجتمع التونسي (وأكيد العربي/ الشرقي) زي موضوع الهوية الجنسية والتحول (العبور) من جنس لآخر صعب حد يتكلم فيه عن تجربة شخصية، لكن ممكن الكلام يكون أسهل من خلف ستار أو قناع، ومن هنا ترتبط الفكرة مع التقديم الدرامي لفكرة الكاتب الشبح اللي بيقدم أعماله بإسم شخص آخر، وده بيكون لعدة أسباب، واحد منها بيتوافق مع الموضوع وهي إن الاسم المستعار بيكون قناع يقدر الكاتب إنه يخوض في مواضيع لا يستطيع قلمه الخوض فيها بإسمه الحقيقي.
أعتقد ان الربط الدرامي ده ليه مقصد، وهو تسليط الضوء على مربع أكبر من قضية التحول الجنسي، على مربع الخوف من الاختلاف، الخوف من الخروج عن القطيع، الخوف الذي يجعل البعض يتنكر لما يميزه عن غيره لمجرد أن ينتمي للقطيع.
هذا البعض يحتاج لقناع ليكون على طبيعته، لكن هناك بعض آخر يحتاج لخلع القناع ليظهر على حقيقته...
محمد متولي