اولاً اسمحولي اعبر عن سخطي وغضبي الشديد الحالي.. قاعدة في امان الله بقرا الرواية قوم ايه اكتشف ان الرواية ليها جزء تاني.. الي هوا احية.. طيب زمر، قول، كلكس، نبه اي حاجة.. مش تسبنا كده علي عمنا وبعدين الي اللقاء في الجزء التاني منزل ابو خطوة: الرصد..

*يا جدعان تحذير وتنبية متقروش الرواية الأ لما الجزء التاني ينزل..*

دلوقتي بعد ما خلصت برطمة ممكن اكلم عن الرواية..

اولاً:- خلوني اقول ان الرواية في رأيي المتواضع متعتبرش رعب هي ممكن تتصنف كرواية غامضة او مشوقة أنما مش رعب انا كسارة مخوفتش.. اتوترت اكيد، كنت عايز تفسير ده اساسي، لكن مخفتش..

الرواية بتتكلم زي ما الاسم بيوحي بيت غامض حوليه ظروف غريبة والعديد من حوادث القتل الي غير مفهومة والاحداث بتنتطلق..

ثانياً:- انا معنديش اي مانع ان الكاتب يقسم القصة علي اجزاء لكن يبقي فيه قفلة لكل جزء مش لازم نهاية لكن يديك نوع من انواع التفسير للأحداث بتاعت الجزء ده ذات نفسه مش لازم يخلص القصة علي بعضها لكن يديك تفسير للحاجات الي انت قريتها.. انا اكيد مش هفتكر كل التفاصيل ديه علي ما الجزء التاني ينزل بقي ويحيني ويحييكوا ربنا ودي حاجة انا عاتبة فيها علي الكاتب علي الاقل كان ادانا اختيار حاجة كده من نوع الحلقة الاولي او الجزء الاول اي شئ لكن الافا الي نزل عليا ضايقني انا شخصياً..

ثالثاً:- ديه حاجة مالهاش علاقة بالقصة لكنها رسالة للمؤلف تجليد الكتاب ذات نفسه سئ للغاية.. انا الكتاب ما شاء الله اتفرفط في ايدي لصفحات كتيرة وانا بقرا وديه حاجة ضيقتني لأني بحب احتفظ بالكتب حتي بعد ما اقراها

انا كسارة مش عارفة اقيم الرواية كويس غير لما اعرف القفلة ولذلك هديها 3 من 5 وده لأن فيها شويه سسبنس كويسين.. لكن نصيحة اخوية للناس الي صاحبة عيا زي حالاتي استنوي الجزء التاني عشان بس الضغط والمرارة.