كان عندي من زمان رغبة قهرية في إنهاء كل الروايات الي بقراها مما ادي اني لما كنت بلبس في رواية كنت مش بس بخسر فلوسي لكني كنت بخسر وقتي كمان

وبناءأ عليه انا كسارة اخدت قرار كل كاتب بقراهله بيبقي ليه في ذمتي نص عدد صفحات الرواية لو فشل انه يشد انتباهي او اني اتسلي مبكملش وده الي حصلي مع رواية أذكار الموت

رواية المفروض عن سفاح وتحضير ارواح الي اني حسيت بملل كبير وانا بقراها لعده اسباب:

كمية رهيبة من الأستطراد والحوار الداخلي من الشخصية الاساسية لكن من قبل ما يحصل اي نوع من انواع الالفة مع الشخصية الاول وبناءأ عليه انا كقارئة كان لسان حالي بيقول وانا مالي بده كله انت جاي تشكلنا همك؟

الحوار مش مرتب، الافكار حسستني بالملل، محستش ببناء او اي بيلد اب للأحداث العامل الي بيخلي اي قارئ مربوط بالعمل هو انه يأما عايز يعرف ايه الي هيحصل والاحداث مثيرة لأهتمام، او انه مهتم ومربوط بالشخصية وعايز يعرف هيحصل لها ايه؟ وانا كقارئة مكنش عندي اي من المشاعر اعلاه

وبناءاً عليه، خدت القرار بعد ما وصلت لصفحة 150 اني مش هكمل من الزهق..

#سو_ريفيو لرواية #اذكار_الموت 1 من 5