كتاب مهم جدا
مش متأكد من تأثيره عليا على المدى البعيد من ناحية التعافي لكن يكفي بس انه بيفهمك نفسك والناس اكتر وبيدين الافعال اللي كل اللي حواليك مطبعين معاها
الكتاب كان تقيل جداً عليا وانا بقرا كنت بوقف كل شويه وافكر في اللي قريته وافكر في الحاجات اللي عيشتها وبعيشها وينطبق عليها الكلام اللي في الكتاب
بكائيات ولطميات في الاول و إحساس بالثقة بعدها لانك كان معاك حق في أحاسيسك وانك اه ضحيه ولكن انت كمان المسؤول عن تعافيك
اكتر حاجه اثرت فيا بشكل فوري في الكتاب هو الكلام المتعلق بالشعور العام بالخزي دا إحساس كنت متخيل انه عندي انا بس ومش عارف ليه ، اول لما قريت كلام الكتاب عنه واسبابه فرق معايا بشكل لحظي ادراك بس ان انا مش مولود كده او دي حاجه طبيعة لا دا نتيجة اساءه وشعور بالرفض لوقت طويل
اعتقد هرجع اقراه تاني
شكراً لكل حاجة خليت الكتاب دا موجود واقدر اقراه