وأنهيت كتاب #ألف_شمس_ساطعة

اسلوب الكتابة واعتقد هالشيء راجع للمترجمة كان بسيط جدا ممكن الكل يشوفه عيب لكني اشوفه نص عيب لأن متأكده كثير من الكلمات فقدت رونقها بسبب هالشيء لكن هالشيء كمبتدائه خلى الكتاب اسهل علي 🤏🏻

الوايه كانت تعتد على الوصف اكثر من الاحداث فصار ممكن ألخص الاحداث كلها ب٢٠ صفحة تقريبا المقصد ان الأحداث كانت قليلة جدا بالمقارنة بعدد الصفحات

نجي للاحداث ونجي لمريم 😭😭😭😭 تعرفو حديث الرسول (كن في الدنيا كأنك غريب او عابر سبيل) احسه يوصفها🥹🤍 كنت اتمنى تكون نهايتها مختلفه وفي وقت يجي و يصير تتبدل حياتها لكن زي ما قال القاضي كونها قتلت صار القصاص واجب عليها

كنت مو راضيه انها تنقتل عشان شخص زي رشيد لكن مع الاسف الصح ان القاتل يقتل و كونها اعترفت راحت بنفسها تسلم نفسها كبرها بعيني كانت تتقبل كل شيء يجيها بدون اعتراض حتى موتها 💔 بكيت يوم قالت بنفسها انها كانت حترضى لو قتلها لكن ما راح تقدر تخليه يقتل ليلى قدامه اللي كانت الشخص الوحيد اللي احتواها واحتوته علاقتهم كانت قريبه من قلبي وعلاقتها بعزيزة عوضتها عن فقدها 💔

حرفيا نهاية شرعية لحياة كانت بدايتها غير شرعيه

وبالنسبه حق ليلى وطارق ما حبيت ابدا ان الكاتب كان يسرد قصة حبهم وزناهم وكأنه شيء عادي وحتى في مواقف تكلم فيها عن النقاب بطريقه سيئه تمنيت أقل شيء يوضح ان اللي يسووه الطالبان تشويه للدين والدين ما يمثلهم

ما انكر معاناة ليلى لكن المعاناة اللي مرت فيها ليلى من زواجها برشيد تتحمل الجزء الأكبر بذا كله لو انها مسكت شهوتها هي وطارق كان ما حصل لها اللي حصلها لكن بالمقابل كملت حياتها بعدين ومريم اللي ماتت انقهرت حيل على هالشيء 💔