في كل مرة كنت ببقى عاوزة ابدأ فيه، بقول لسه، فيه وقت محدد للكتب دي، وفي وقت صعب وأيام حزينة، جه وقته، وقرأته.

أحيانا الواحد بيكون عاوزة كتاب بسيط، بيطبطب عليه بكلامته، حاسس بشعورك، أنت مش قادر تتكلم ولا تعبر، عاوز حاجة جمبك، حاجة حاسة بيك. وما أروع لما تكون كتاب.

في الحقيقة مات هيغ متميز جدا في النقطة دي في كتبه. وبتأملاته التي عرضها في كتابه الراحة اللي شملت كمان أفكار جميلة. أقدر أقول:"لا شئ أقوى من أمل ضئيل لا يستسلم."

مات هيغ بيفكر الواحد إنه انسان له أوقات فيها يشعر بالايجابية وأوقات تانية بالسلبية. له وقت حزين وآخر سعيد. أنت مش لوحدك في الحزن، طبيعي تقول لا، في عصر زي اللي إحنا عايشين فيه، الحياة صعبة.

فأنا كنت عاوزة جرعة، فاصل أشعر فيها ولو قليلًا من الراحة. وده حصل مع الكتاب، حبيته جدا.🤍

لو فاكر أنك هتقرأ كتاب عميق، أو أو لا، هو ميزته في بساطته. مش كتاب تنمية بشرية ولا تطوير ذات فارغ على قد ما هو نابع من الواقع، فضفضة شخص بيمر بعقبات، كان عنده اكتئاب، عايش معانا في الدنيا، ف بتأملاته وقصصه وأفكاره يشاطرك الوجع.

كنت بتساءل لو كل واحد عمل كتاب وسماه الاسم اللي بيحبه، كتاب شخصي يعني، يحتفظ بيه، وقسمه لتأملاته وفصل لآكلة بيحبها، هواية مفضلة يكلم عنها، آيات قرآنية يكتبها، كلام بيقوله لنفسه في وقت صعب. حساها هتكون فكرة جميلة!🤍