ومعادنا مع المراجعة لجزء التاني من سلسلة غموض علمي بعنوان شيطان لابلاس

بنكمل احداثنا من الجزء الاول مع مازن و السفينة العملاقة الي هو فيها و البشري العجيب إكزافير، بس بنتفاجأ بأبطال جديدة و ناس تاني موجودين علي متن السفينة دي، جم عن طريق تشوة في خطوط الزمن، من اهمهم عبير مثلا، وفي يجي ٩ أشخاص غيرها..

وكل احداث العمل وتقريبا السلسلة دي هي محاولة غريب الأطوار اكزافير انه يرجع كل دول لعالمهم الي هم جم هنا منه، وبيحاول عن طريق تنهم يدخلوا زي تجهزة كدا وبيحصل معاهم زي مواقف و قصص من افكراهم او ذكرياتهم هما بحيث يعرف فين التشوة الزمني دا (والي قارئ هيفهم كلامي اكتر)

السرد زي ما قلت في الحزء الاول و اعتقد بنسبة كبيرة هيفضل كدا طول السلسلة، بسيط .. سلس .. وفي نفس الوقت به ما يكفي من التشويق..

وزي برده ما قلت انا شايف ان السلسلة دي تصلح جدا لليافعين بسبب بساطة و اسلوب طرحها، يعني اسلوب السرد و الحوار فيها يقدر يفهمه عقل مراهق عنده ١٤ سنة و يتنفاعل معاه، وطبعا القارئ الكبير برده هيستمتع بالعمل كوجبة خفيفة و مشوقة

الجزء دا فعلا فيه من التشويق ما يكفي لجعلك تقرأ النهاية بدون ما تسيب الكتاب، والي عجبني جداا الفكرة الرئيسية الي عايز يقولها الكاتب.. ما في سؤال مهم جدا ايه هو شيطان لابلاس ؟؟

وهل دي نظرية مثلا لها وجود واقعي ام ضرب من الخيال ؟!

حقيقي فكرة جميلة وسهلة الوصول لحميع شرائح القراء👍♥️

تعليقي عن الجزء دا لا يختلف عن الاول، وهي قلة وصف مشاعر و تعبيرات الشخصيات بالذات اثناء الحوار .. دا سبب بيقلب الرواية كأنها مسرحية!!

وبرده أخطاء لغوية كتير و مزعحة في بعض الأحيان!!

الخلاصة..

زي ما بقولك عمل مشوق.. سناك كدا تفصل بي وتستمتع بسلسلة خيال علمي بشكل مخفف بسيط و ممتع، واقول تاني اي قارئ صغير في السن عايز يدخل الروايات انصح بسلسلة غموض علمي .. ولو ليك في مجال الـ sci-fi هتتبسط♥️