عنوان صعب
و ده لان الكتاب بيتكلم على أصعب انوع الإساءات النفسية و هي إساءات الطفولة اللي بيكون السبب فيها اللي المفروض يحموك و يكونوا سبب امنك..
رحلة قاسية و مؤلمة يعرفنا الكاتب فيها على انواع الإساءات لحد ما نوصل لمرحلة التعافي ونفهمها خطوة خطوة و نتعرف على كل احاسيسها..
الكتاب صعب و بيوجع و بيفتح جروح كتير اثناء قراءته لكنه حلو و مفيد و بيساعد على فهم نفسك و أحاسيسك الكتير الملخبطة و الغير مبررة..
اسلوب الكاتب لطيف جدا و سلس و مش بتحس انك بتقرأ كتاب معقد حسيت بشوية ملل نتيجة لتطويل في بعض الموضوعات لكن بشكل عام الكتاب حلو..
و اكتر حاجة عاجبتني انه زي ما بيفيدك على التعافي من جروح الماضي لا ده كمان بيساعدك على انك متكونش اب/ام مؤذيين في المستقبل..