مش عارفة الصراحة.. الرواية معقولة بس مش لدرجة إني أقول عليها حلوة...

تدور أحداث الرواية حول الخباز الفرنسي فرديناند الذي كان يعشق أغاني أم كلثوم ثم انتقل ليعيش في مصر و أصبح أهم خباز في القنوات الفضائية ليتورط بعد ذلك في أحداث سياسية قلبت حياته رأساً علي عقب...

الرواية مقسمة إلي جزئين ..جزء بيتكلم فيه عن حياة الخباز و جزء تاني يستعرض فيه الكاتب حياة أم كلثوم و بداية مشوارها الفني كما يوجد أيضاً أجزاء بيتكلم فيها عن داليدا و إنتحارها...

لغة الكاتب جيدة ولكن جاءت كل الحبكات في الرواية ضعيفة جداً بجانب إن في أحداث مهمة كانت محتاجة توضيح أمتر وحتي رسم الشخصيات كان مش أحسن حاجة بس طبعاً حنحط في الاعتبار إنها الرواية الأولي للكاتب و يحسب له انه كتب العمل بإسلوب سلس و مشوق..

رواية بعتبرها للتسلية مش أكتر وعادة هذه الروايات مش من رواياتي المفضلة علي الرغم إننا أحياناً بنحتاج نقرأها من وقت للتاني...

التقييم ٢.٥