كتاب مجنون..و مفيش أحلي من إنك تخلي قلمك حر و تطلق العنان لأفكارك كإنها طير طاير في السما و دة اللي عمله الكاتب هنا و بمنتهي الذكاء😍

تدور أحداث الرواية حول سبارتكوس الذي يعيش منذ طفولته في تخيلاته الخاصة التي يستوحيها من كتب الجغرافيا المدرسية ويستفيد في تجسيدها من تعلّقه بالأفلام.. تمنّى لو أنه ولد في زمن قديم، زمن بعيد جدًا لا يكون للعلم فيه هذا الدور الذي يلعبه اليوم في الحياة و عندما عمل حارسا لمزرعة كان

كان يتواصل مع الحيوانات ..يمشي عارياً وكإنه يعيش في العصور القديمة..

"لو عاشوا مثلي بين الماء والشجر والحيوانات لما احتاجوا إلى الثورة.."

اللغة ممتازة والرواية تعتبر رواية رمزية يمتزج فيها الواقع بالخيال..يطرح فيها الكاتب بطريقة غير مباشرة تساؤلات عن الحياة،الحب،الجنس الموت،الاله،الحرب وحاجات كتير بس أنا شوفت ان أكتر حاجة الكاتب عاوز بيتكلم عنها هي الحرية..الحرية إنك تعيش حياتك زي ما أنت عاوز و إن السعادة احياناً حنلاقيها لما نبعد عن الناس وعن كل ما يفرضه علينا المجتمع بقوانينه وقيوده..

زي ما قلت إن الكتاب مجنون و لكن إختيار الرواي كان أكثر جنوناً:) مش حابة أقول هو طلع ايه لأنك مش حتعرفه إلا تقريباً بعد أكتر من نصف الرواية و كان فعلاً غير متوقع بالمرة...وعلي العموم يعني هو حاجة مش شخص:)

يعيب الكتاب إني حسيت إن خيالات بطل الرواية أخدت حيز كبير من الرواية علي حساب بعض الأحداث التانية اللي كنت حابة الكاتب يتكلم عنها أكتر...

بحب الكتب التي تغرد خارج السرب والكتاب هنا في مكان لوحده..

رائد وحش كاتب وشاعر فلسطيني سوري و مصافحة أولي لهذا القلم المميز و بالتأكيد في انتظار أعماله القادمة..

التقييم ٣.٥

"الروح بطاقة هويةٍ صنعها الله، وفيها كل الأسرار .."