ابهرتيني يا تميمة!
رغم اني قارئة لكل إبداعك من ٢٠١٧ بس الرواية دي و القصة مختلفة تماما عن كل رواياتك السابقة
عجبني الاسلوب و الفضول فعلا خلاني اقرا الرواية من ٩ و نص ل ٣ و نص ظهرا بشكل متواصل
حبكة مميزة و أبطال الرواية كلهم مكتوبين بشكل حقيقي جدا كأني أعرفهم
تفهمت يوسف و حاجته لحنان الأم اللي خلته يختار و يحب امرأة مختلفة عنه جدا لكن هي ادته الحنان للي كان محتاجه عشان يكبر
و تفهمت ليلة و يمكن اكثر حاجة فعلا أكدت لي قصة اني فعلا بحس ان اختيار اسم الأطفال لازم يكون دقيق و يخدم الطفل مش اي طفل و اسم و السلام
لانه ممكن يعود على صاحبه بالالم زي قصة ليلة
عجبني معالجتها و انها ف النهاية لقت للي يستحقها
اما جميلة قصتها صعبة جدا خاصة انها جاهلة جدا و نفس الوقت متألمة جدا
عجبتني شخصية عبد الحليم رغم انه شبه مختفي من الرواية بس بحب الشخصيات اللي بتسهل حياة للي حواليها
اما عالية فهي عالية فعلا بروحها و حبها و اختيارها لكل ما هو مناسب ليها
عجبتني الرواية جدا و ابهرتيني شكرا بجد 💗💗💗