"عن العدد الخامس من سلسلة غموض علمي؛ ضياع في عوالم موازية لحمزة زايد"

*الأمل؛ إنه الشعور بأن المستقبل سيكون أفضل، الشعور بالتفاؤل والإيجابية، الشعور بأنك ستتغلب على الظروف الصعبة!*

العيشة بدون أمل قادرة تدمر الإنسان وتخليه مجرد مـ.يت على قيد الحياة، لكن بالأمل بنقدر نغامر في تجارب ونخوض جوا حر.وب ونعيش مواقف كنا متخيلين إننا مستحيل نمر بيها لمجرد إن في نور في نهاية الطريق اسمه الأمل.

*العلم يا إيثان هبة، لكنه أمانة ذات حمل ثقيل!*

معروف إن العلم سلا.ح ذو حدين، وإنه كل ما بيتطور ويبقى نافع أكتر، كل ما بتزيد خطورته، والعالِم اللي بجد هو اللي يحافظ عليه لحد ما يسلمه للي عارف إنه عمره ما هيستعمله غير في الخير.

*حين يجتمع حبُّ الإنسان للسيطرة مع طاقة عظيمة؛ فالناتج هو جنون لا يمكن تصوّره!*

من قرون بعيدة نشأ الإنسان على حب الإدارة والرغبة في الامتلاك وتمنِّي السيطرة، ومع كل خروج لجيل جديد الموضوع بيكبر والسعي ليه بيكون أقوى لحد ما بيبقى الإنسان مخيـ.ف، خصوصًا لو حقق ده وبقى قادر يتحكم في كل شيء، وكل حد.

*************************

الاقتباسات السابق ذكرها لفتت انتباهي فحبيت أعلق عليها بأسلوبي الخاص، أما العمل نفسه فأنا مهما اتكلمت عليه عمري ما هوفيه حقه، العدد ده من سلسلة غموض علمي لا يقل إبداع عن الأربع أعداد اللي سبقوه، ولا الرواية العظيمة رحلات إلى عوالم خفية، وحقيقي أنا بقيت على استعداد أقرأ أي عمل عليه اسم الكاتب وأنا عندي ثقة كبيرة إنه بجد عظيم.

أفكار العمل المتنوعة ما بين العلم والتاريخ والخيال كانت مبهرة بشكل ملهوش مثيل، إتقان الحبكة رغم صعوبتها وسلاسة الأسلوب رغم قوته، وروعة السرد والحوار مع كل المجهود السابق حاجات قادرة بكل سهولة تنال إعجاب كل قارئ حقيقي، وفي انتظار باقي السلسلة بكل شغف💙!

#خلاصتها_في_اقتباساتها.

#زينب_إسماعيل.