كلنا بنروح السيرك عشان نستمتع بعروضه.. لكن في سيرك مـايا الوضع مختلف🤨
بنبدء أحداث القصة بسيرك عادي جدا ولكنه يحمل الكثير من الغموض بداخل نفوس عاملينه.. بعض الحقد ولا مانع من شوية حسد و كراهية و غيره من صفات النفس القذرة
بس يا تري ليه
وهل العاملين و القائمين علي السيرك دا هيعرفوا يجهزوا عشان الافتتاح الي بيقرب عليهم ولازم يستعدوا للعروض و التدريبات ولا القدر له رأي آخر.. او بمعني أصح الكاتب له رأي آخر 😅
لغة العمل عربية فصحي حوارا و سردا.. و حقيقي لغة العمل جميلة جدا و سليمة
السرد كان جيد جدا و الوصف القوي ساعدني في الدخول في أجزاء السيرك بدون مبالغة.. العروض و الأجواء و الموسيقي و الاضواء كل دا كان حاضر بقوة بسبب الوصف الممتاز.
ممكن أعيب بالنسبة لي مكنش حلو اوي وهو الاسهاب في وصف الجو و المناخ و الطبيعة في التلت الاول من العمل كان زايد عن حده
ولكنه ممكن يعجب غيري♥️
ولكن اللغة لا يعيبها شيء بل و الوصف قوي جدا كمان...
فكرة العمل في حد ذاتها كانت جميلة و شيقة، العمل يصنف دراما اجتماعية ولكنها مختلفة لأنها بتدور داخل أجواء السيرك و دا كان أختيار جيد
عجبني جدا جدا جداااا دخول الحيوانات في صلب الحبكة و صنع لهم فصول و أصوات داخلية فكرة رائعة أشكر الكاتب عليها
انا كنت زعلان جدا علي فـلة 😓
العمل في المجمل حلو.. و القراء الي بيفضلوا الدراما زي ما قلت هيعجبهم جدا
مش هنكر ان كان في بعض أجزاء بالذات في اول العمل في شوية ملل او عدم فهم.. أحساس ان الاحداث ثابتة ولكن لا بعد كدا هتلاقي انها طبخة علي نار هادئة 👌👌
لأن النهاية ممتازة و مش هقول اكتر من كدا عشان الحر.ق🤫
مش أخر عمل للكاتب أن شاء الله ♥️