والله كان قلبي حاسس إنها مش حتعجبني!

تدور معظم أحداث الرواية وقت حكم حسني مبارك و هي بإختصار بتتكلم عن مجموعة من المهمشين اللذين يعتبروا ضحايا لظروف اجتماعية و سياسية و تجبرهم ظروفهم الصعبة أن يلجأوا لطرق غير مشروعة ليستطيعوا أن يعيشوا إلي حد ما حياة كريمة ويقرروا أن ينشأوا جمعية سرية لمساعدة الفقراء و المحتاجين...

لغة الكاتب ممتازة و في جمل عميقة كتير حتقف عندها ..

الرواية طبعاً فيها اسقاطات سياسية علي حاجات كتير و أعتقد إن في بعض الأحداث ممكن تكون حقيقية فعلاً كما إنها تلقي الضوء علي الفساد اللي كان موجود في هذه الفترة الزمنية و توغله في كل أجهزة الدولة...

السرد في الرواية عادي جداً ... مفيهوش أي حاجة مميزة... بالعكس الرواية هادية ومملة في أوقات كتير ..فيها تفاصيل وحشو كتير كان ممكن الاستغناء عنهم...

يقول معظم القراء إن فكرة الرواية جديدة و يمكن دي الحاحة الوحيدة اللي خلتني محبش العمل..

الرواية مفيهاش أي حاجة جديدة ومحسيتش إنها أضافت ليا حاجة ...عصر مبارك بالفساد اللي فيه بالظلم اللي كان يقع علي الكثيرين..كل دي حاجات حفظينها و كلنا عرفينها...يمكن الحاجة الوحيدة الجديدة في الرواية هي فكرة الجمعية السرية مع إني أنا شخصياً شايفاها غير منطقية وكل الحاجات اللي كانوا بيعملوها سواء من تزوير الفلوس أو بعض الأوراق الرسمية مدخلتش دماغي وحسيتها ساذجة جداً..

قلم أشرف العشماوي حلو مفيش كلام بس الرواية دي معلش يعني ..مش حلوة!