الحقيقة مش عارف أوصف شعوري تجاه إسماعيل الشعور ممتزج بين شفقة وتبرير وتقبل

شفقة على حاله وعلى عجزه وضعفه

وتبرير لحياته وسبب معاناته ومعاناة مريم معاه وأولاده

وتقبل للي هو فيه وإن هو السبب في كل اللي حصله

خليط عجيب ومثير طول الرواية مشدود حاسس بالألفة عايش معاه حاسس بمعاناته بل وفي بعض اللقطات حسيت نفسي مكانه عايش عجزه وضعفه وجبنه، في بعض الأحيان كنت بحاول أبررله ضعفه وجبنه وفي بعض الأحيان كنت بشفق عليه وفي بعض آخر كنت بقول أحسن يستاهل هو اللي عمل في نفسه كده ولكن ده ميمنعش إن انا كنت مستمتع جدا بصحبته والرواية غالبا هتفضل معلقة معايا فترة زي أول عمل قرأته للكاتبة(السيدة التي حسبت نفسها سوسة) وعلق معايا وساب أثر في النفس محبب حتى لو كان مخلوط ببعض المعاناه.

رواية رائعة لطيفة كنت سعيد بصحبه إسماعيل جدا فيها حتى لو كانت فترة مش طويلة ولكن تركت أثراً في النفس ليس بهين.

شكر كبير للكاتبة على الإبداع ده وللقاء جديد في عمل جديد❤️