كتاب العيد😍ومفيش أحلي من بلال فضل ممكن تعيد معاه:)
١٣ قصة أو ١٣ حكاية من ذكريات ومواقف كتير حصلت للكاتب علي مدار سنوات مختلفة مكتوبة ببراعة و بإسلوب سلس و ممتع بياخدك ببساطة جوة كل حكاية كإنك شايفها قدامك و عايش في تفاصيلها ...
في قصص مؤلمة وقصص تفطس من الضحك و قصص عن مواقف سياسية و مشاكل حصلت للكاتب بسبب قلمه الجرئ بس يجمع بينهم كلهم إن كل حكاية ليها هدف مش مجرد قصص و خلاص...
ضحكت من قلبي في أجزاء كتير و زعلت علي حال بلدنا في أجزاء أخري...
وبما إننا في العيد فمع كل ضحكة و مع كل قصة مكتوبة من القلب..كنت باكل كحك مع كوباية شاي:)
والصراحة بقي معديتش وصلوا لكام كحكاية بعد الانتهاء من الكتاب:)
المهم إني مبسوطة و أنا بقرأ للكاتب اللي بحبه ..اللي لسة قادر يبهرني و مفيش مرة بيخذلني ..بيحترم عقلي و بيقدر قيمة وقتي... و عرف ببساطة يديني أحلي عيدية و مش مهم خالص السعرات الحرارية:)
وعموما يعني اياً كان اللي حشوفه علي الميزان ..أنا مسامحة يا أستاذ بلال ❤️