مراجعة كشكول المجهود الشخصي للكاتبة منى رضوان

مجموعة قصصية ( ٢٠ قصة) متنوعة جدا ومختلفة لأقصى درجة تربطهم ببعض ان كل القصص حدثت في ٤٥ دقيقة

-جلسة نفسية في ٤٥ دقيقة

-كتب كتاب في ٤٥ دقيقة

-خناقة بين زوجة وزوجها في ٤٥ دقيقة

-رحلة طيران في ٤٥ دقيقة

وهكذا..

حبيت في "كشكول المجهود الشخصي" انه لم يغلب عليه تيمة بعينها .. يعني مش مجموعة قصصية تغلب عليها اللون الرومانسي .. او الفانتازيا .. أو .. أو .. انما كانت متنوعة بشكل كبير جدا فيه قصص كوميدية جدا حقيقي ضحكتني كتير وفيه منهم قصص انسانية اثرت فيا ومنهم الخيالي ..

واللي حبيته اوي في المجموعة كمان ان الكاتبة في بعض القصص كاتباها من وجهة نظر رجالي وده مش باشوفه كتير لما الكاتبه تكون سيدة .. وحتى ان فيه قصة كتبتها من وجهة نظر شئ او جماد (مش عايزة أحرق) 😅

لغة المجموعة القصصية مختلفة ومتنوعة زيها زي المجموعة القصصية .. بعض القصص بالفصحى وبعضها بالعامية .. وفيه قصة السرد بالعامية والحوار هو اللي بالفصحى !!

في حب كل شئ غير مألوف وجديد .. في حب الجنان والطرقعة .. أحب ارشح المجموعة دي بشدة

شكرا Mona Radwan حقيقي استمتعت وقضيت وقت غير معتاد مع مجموعتك الممتعة المجنونة دي وماكنتش عايزاها تخلص 😍 .. ومستنية اللي جي ان شاء الله بفارغ الصبر ❤❤❤