❞ نحن حتى لم يكن لدينا وقت كافٍ لنكون ذكريات لعائلتنا. ❝
ماتعتبرش رواية ديه قرصة 🤏 ودن يمكن نفوق
علاقات بتنتهى وبتروح واللى باقى منها مجرد notes
أصل المشاغل كتير وكله ملهى فى الدنيا وزحمة المواعيد شغلنا نفسنا بحاجات كتير
مدارس تمارين اصحاب حتى لو مش قريبين
ونسينا نقعد مع الغاليين نشبع منهم ونسمع يومهم يحكولنا ذكرياتهم حتى لو اتعادت كتير واحنا نسمعهم بشغف واهتمام وكأن أول مرة نسمع الحكايات
قيس بقى على كده كل مراحل الحياة من أول ما بنبقى فى مرحلة المدرسة والجامعة لحد ما بنتحوز ونربى العيال
فى كبد بس ياترى احنا اللى بنخلقه لنفسنا ونحطنا فيه وناخده حجة وعذر للتقصير ولا فعلا احنا محتاسين ومشاغل الدنيا بقيت علينا كتير
رواية أبسط من ما تتخيل فى سردها عبارة عن sticky notes 📝 متعلقة على باب 🚪 الثلاجة من الأم لبنتها ومن البنت لأمها
ليه مفيش حوار يجمعهم ويقولوا فى وش بعض اللى فى نفسهم
أصل كل واحد فيهم ملهى فى دنيته
اللى فى دراستها ومع أصحابها مشغولة
واللى بتشتغل علشان توفر احتياجات بيتها ومطحونة
اختزلوا كلامهم على باب الثلاجة فى صورة notes
حتى السؤال عن الأحوال بقى مختصر فى كلمتين متعلقين على الباب…
مش عارفة اتعاطف مع حالهم ويصعب عليا أحوالهم وأشفق عليهم من الظروف اللى خليتهم مش مع بعض close ولا أوبخهم على أنهم مخلقوش فرصة تقربهم واستسلموا لمشاغلهم
النهاية وجعتنى ووجعت صاحبتها أكيد خاصة لما تصحى الصبح ماتلاقيش notes متعلقة تصبح وتسألها عاملة ايه 🥺
#مكتبة_دنيا
#قراءات_٢٠٢٣