📌 ماذا لو كانت الحياة كابوسًا كبيرًا 😴وبعد الموت سوف أستيقظ على صوت أمى 👵🏼 تدعونى لإفطارى المفضل على شرفة فى السماء. 🤔
📰 جاءنا الآن البيان التالى 🔈
كوكب 🪐 ضخم خرج عن مساره ومتوجه 🌍 للأرض.. هيعمل دمار شامل مفيش أى طريقة لإثناءه على ارتطامه…
هيقع هيقع لا محالة … وباقى من الزمن 6️⃣ أيام
يعنى خلاص … ديه نهاية العالم 🗺️
وجه وقت الحساب يوم يكرم المرء أو يهان
بس الأديان مقالتش أن ديه العلامات 🔖
فين الإختبارات … ⁉️
جايلك فى الكلام 🤌🏻…
نرجع كده فلاش باك ▶️▶️▶️
لما يختفى 4️⃣ طلاب بيدرسوا آثار فى محافظتين جيران ( قنا وأسوان )
ويطلب من "جميل وسارة " تحقيق صحفى عن الحالات ويسافروا فى الحال
طيب ايه علاقة الإختفاء بالكوكب الهربان من حزام الكواكب إن شاء الله 🤔
لا ازاى اصل الإختفاء احتمال يكون مرتبط بالنهاية هو كمان بسبب اكتشاف تم من جهة الطلاب لقوا حفر على الجدران فى معبد دندرة بيتكلم عن أسطورة ايزيس وأوزوريس و الرجوع للديانة المصرية القديمة
مش كنت بتسأل عن الإختبار
اهو جالك فى النقش اللى على الجدران
ورينا بقى إيمانك هيبقى ازاى
لما يتقالك إن الإنتصار يتمثل فى " الديانة " القديمة وهو ده الدين الصحيح
وقدامك بقى 6️⃣ أيام تشوف نفسك هتتمسك بدينك ولا هتتبع ديانة القدماء …ولا هترجع لبيتك وتقضى أيامك الأخيرة مع الأهل والأحباب وتفضل متمسك بدينك وتدعى أنك تبقى على صواب وربنا يسلم الحال 🤲🏻
أسئلة كتير بنسألها بينا وبين نفسنا بس
بنخاف نبوح بها احسن نتوصم بها و يتقالك يلا يا ضعيف الإيمان …هو السؤال مش حرام صحيح فيه مسلمات بس مفيش مانع من شوية استفسارات وياسلام لو رد عليك متخصص مش واحد يقولك هو كده وخلاص مابنسألش الأسئلة ديه يا أستاذ
احنا هنكفر على آخر الأيام ولا اتقالك هذا ما وجدنا عليه آبائنا و بلاش لعب بقى فى الدماغ احنا ملصمنها كده وخلاص🙋🏼♀️
حبيت موضوع الرواية و تخبط احوال الأبطال وصراعاتهم النفسية وقناعاتهم الإيمانية لحظة الإنهيار
بس ياترى هتتهز ولا هيفضلوا صامدين قدام الدمار 🤷♀️
طبعا كالعادة كان عندى أمل 🙏🏻 أن النهاية تبقى مختلفة شوية كعادتى مع روايات الكاتب 😄
مش هينفع طبعا اقول كنت عايزة نهاية عاملة ازاى علشان محرقش الأحداث
بس فى النهاية حبيت فكرة الإختبار و تقييم النفس قبل الحساب ما تلومش على الناس اللى هيصدقوا ويتابعوا اللى على الجدران
ما هو الإيمان ما بيتقاسش بالكلام 😉 بيتقاس بالإختبارات 😇
📌 الوقت دائما ضيق والموت إلى الأبد قريب لكن عندما تذهب للنهاية لاتذهبها نادمًا 🤲🏻
#مكتبة_دنيا
#قراءات_٢٠٢٣