روايه #سيرة_القبطية للكاتبة شيرين هنائي
⭐⭐⭐⭐⭐⭐⭐⭐⭐⭐⭐⭐⭐⭐⭐
هي رواية تاريخية شويه... نوع جديد جدااااا للكاتبة الي انا من اشد معجبينها فعلياً....
الروايه بتسرد سيرة شخصيه مصريه مسيحيه في فترات الاضطهاد الروماني...
ماليانة مشاعر انسانية و دروس بطريقه سلسه جدااا حتى الأسماء الي هي بتبقي عقبة في الكتب التاريخيه اتحفظت مع الوقت... و الشخصيات الاساسيه واضحه و مرسومه حلو جدا و الترابط بينهم واضح و منطقي و متسلسل..
متقسمه فصول او أجزاء صغيره عدد صفحات كل جزء قليل و ليه عنوان مميز..
شيرين شرحت ازاي الشخصيه صاحبه السيرة كانت شمس ملهمه لناس كتير في بلاد كتير ف الفتره الزمنيه دي و انها ازاي عرفت تنشر المحبة و العلم من مصر ل اوروبا و تعلمهم و تتعرف ب علمها وسطهم...
بنت مصر الصعيدية الي اتعلمت و اتحدت الظروف وقتها الي مكنتش بتسمح للبنات تتعلم....
المتواضعه الي فضلت تتمثل ب البسطاء و الضعفاء علي انها تتميز و تتكبر بوضع اسرتها المالي او ب علمها الي اكتسبته..
الي اهلها متأخروش لا بالتشجيع ولا بالأموال لتنفيذ حلم بنتهم إلى وثقوا فيها و في انها هتبقي مفيدة متميزة في يوم من الايام...
في أجزاء عاطفيه كتير ف وسط الروايه ممكن تخلي القارئ يتاثر او يحزن بس انا بنصح الكل انه يوصل للآخر....
لان حرفياً نهايتها مريحة جداااا جداااااا... 💙💙💙
لما تعرف ان الحرب انتهت و العلم و المحبه والخير انتصروا برغم انهم اتبعو الاسلوب السلمي التام..
طبعا مقدرش مقولش قد ايه اتفاجات ان الكاتبه قدرت تعرف تفاصيل دينيه للدرجه دي و توصفها برغم انها غير قبطية انما ده مش بعيد ابداااا عن اسلوب شيرين دايما الي عارفينه و قد ايه بتدور ف مصادر و مراجع و بتذاكر التفاصيل كلها و ده باين في اعمالها السابقه...
شكرااااا أستاذة شيرين على العمل المتميز المؤثر ده.... فرق معايا قوي 💙💙
دي بعض اقتباساتي من الروايه الي بالنسبة لي مفيهاش غلطه حقيقي ☺️☺️☺️☺️
'' المعرفة بالخير الي تشرى بثمن غال و هو المعرفة بالشر! ''
" الجاهل لن يحمل راية الرب ولن يقدر علي ان ينشر كلمته؛ للكلمه امام الكلمه سلطان، و تحاشي المواجهة هو عذر ضعيفي الإيمان ''
'' من يوبخ مستهزئا يكسب لنفسه هوانا ''
" تعلمت ان الصلاة تنجي دائما، لكن ليس بالضرورة أن تنجي بالطريقة التي نظنها المثلى ''
" انت الثمرة الطيبة الي نبتت من بذرة طيبة، انت شجرة الجميز التي احترقت، فنبتت في كل مكام و خرج من رحم إيمانها آلاف الثمار الطيبة.... ابتهجي ☺️ ""