ثرثرة فارغة مش أكتر و لا أقل!
أيام الشمس المشرقة..رواية أخري سيئة في القائمة الطويلة لترشيحات البوكر للكاتبة المصرية ميرال الطحاوي...
الرواية عبارة عن سرد ممل وكئيب لحياة العديد من الشخصيات الذين هاجروا إلي أمريكا و بتحكي فيها الكاتبة عن حياتهم قبل المهجر و بعدها...
الحكايات كلها عادية جداً..لم أجد أي عمق في الرواية كلها غير شوية كلام مستهلك عن مشاكل الغربة..
لغة الكاتبة جيدة ويمكن دة السبب اللي خلاني أقييمها بنجمتين ومش نجمة واحدة...
نوعية الكتب دي بصنفها تحت بند"روايات للتسلية" ودي أكتر روايات بتستفزني الصراحة عشان أنا مش بقرأ عشان أتسلي!
الكتاب اللي مش بيضيف ليا أي حاجة بعتبر قراءته تضييع للوقت ودة ينطبق تماماً علي هذا الكتاب...
قرأت للكاتبة قبل كدة بروكلين هايتس ومقدرتش حتي أكملها وبعد هذا الكتاب حودع الكاتبة وكتبها كلها إلي الأبد!
شكراً للبوكر ..إستمري!