ما بين القصور 🏰 وبين الحارات 🛖فيه ألف حكاية وحكاية 📖 تحكيها الأبواب 🚪…

ما هو أصل البلاء مابيفرقش بين أولاد الذوات واللى على قد الحال..

فى كل بيت وقصر وكل زقاق ومدق

هتلاقى قصة توجع القلب 💔وكمان فرحة 🤩 ما تتوصفش لحد..

صحيح افراحنا واوجاعنا بتختلف من بيئة لبيئة لكن

❞ الألم يجمع الأرواح ويُعطِّف القلوب على بعضها. ❝

وده اللى حصل فى حكايتنا

مستعدين تدخلوا شارع سيدى المظلوم وتسمعوا حكايات من البيوت

ايام ما كان الجار للجار لا ده مش بس اللى ساكن قصادك

ده الحى كله جارك وعزوتك وسندك شريكك فى فرحك وزعلك مش زى زمنا بنختار نقف امتى مع الأصحاب.. وصباح الخير يا جارى أنت فى حالك وأنا فى حالى ده حتى السلام 👋مابقاش يتقال.

ادخل برجلك اليمين 🦶🏻هتلاقى عطارة الحاج إبراهيم اللى بتخدم القريب والغريب

ولا قهوة ☕️المعلم فرج حدوتة اللى مجمع رجالة الحى وقعدتهم تهون أى حدوتة

ولا بيت ناعسة 🏡والناس عليه رايحة وجاية … ألحق بنت سنية بتولد 🤰…. ألحق فوزية بنتها بتتجهز 👰‍♀️..

وتلاقى الكل مشمر 💪🏻وعلى استعداد للمشاركة

ولا قصص الحب الوفية 👩‍❤️‍👨وشبابيك البيوت تشهد علي الإخلاص والحنية…

ومن شارع سيدى المظلوم تعرف تاخد حنطور 🐎وتروح للقصر الملكى 🏰على طول …

هتقابل هناك شخصية جميلة القلب والشكل اسمها الحقيقى " صافيناز " بس بأوامر علية اتسميت " فريدة " الملكة فريدة 👸 زينة البنات قلبها دلها للعرش

شدتها حلاوة البدايات ما هو محدش يقول للملك " لا "

بس هى حبيته بجد وعلى طريقة أيامنا كانت شايفة أنها can fix him بس للاسف هو كان منصاع لأوامر الست نازلى وطلبات وتحكمات الكرسى .. 🤷‍♀️

ومن هنا لهناك هتلاقى فى نقطة التقاء وتشابه فى الحكايات زى ما قولنا ما هو مفيش بيت خالى من الأوجاع بس الحلو فى أنك تلاقى حواليك حد يطبطب عليك وياخد بإيديك ويهون عليك أوجاع النصيب ويعدى بك مرحلة واتنين وتستمر الحكايات مع الأحفاد ويلاقوا فيها تشابه مع حكايات الأجداد…

رواية فريدة وسيدى المظلوم من الروايات اللى استمتعت بحكاويها ومن استمتاعى كنت بتعمد التطويل فيها…

أول تجربة ليا مع كتابات " هبة أحمد " ولن تكون الأخيرة 💙💙

#مكتبة_دنيا

#قراءات_٢٠٢٢

#أبجد