هتعمل ايه لو وجدت تطبيق غريب على موبايلك قادر إنه يتنبأ بالمستقبل ؟ وكل حاجه فيه بتحصل بالظبط! غريبة مش كده تحب تعرف الأغرب أن التطبيق ده تنبأ إنك هتموت نهاية الاسبوع! وده اللي حصل مع شريف يا ترى هيحصل ايه؟
شيطان لابلاس العدد الثاني من سلسلة غموض علمي
بداية معرفتي لسلسلة دي كان عن طريق تطبيق اوديوهات والحقيقة جذبت أنتباهي جدا وسمعتها كلها في يومين تقريباً من كتر ماهي حلوة وغريبة في نفس الوقت نادراً ما بلاقي حاجه فانتازيا مشوقه كده نظرا لأن كله بيتجه لأدب الرعب.
في العدد ده بيكمل الكاتب قصتنا الرئيسية لمازن ومارك وريم اللي بيلاقوا نفسهم في سفينة فضائية في بعد زمني آخر وبيحاولوا يرجعوا لزمنهم بمساعده إكزافير اخر بشري في البعد ده ولكن القصة بتتعقد وبيضطروا لخوض مغامرات مختلفة في كل عدد عشان يقدروا يلاقوا الثغرة اللي تقدر ترجعهم زمانهم ومغامرتنا المرة دي مع #شيطان_لابلاس😈
حقيقي بحي الكاتب على أفكاره المميزة دي والعدد ده بالأخص بيناقش فكرة حلوة اوي، هل الإنسان مُسير أم مُخير ؟ لو أن الشخص قدر يعرف مصيره هل هيستسلم ولا هيواجه بكل شجاعة وده اللي حصل في قصة شريف وعبير مع شيطان لابلاس
الأحداث سريعة مفيهاش ملل ولا إطالة
والكاتب قدر ان يحمسني للاعداد القادمة كمان في أول العدد بتلاقي تعريف مختصر للشخصيات في حال أنك نسيتها ولو مقرأتش العدد الأول تقدر تقرأ ده بكل أريحية من غير ما تحس بتشتت او حاجه
اللغة فصحى بسيطة ساعدتني في الاسترسال في القراءة.
كانت تجربة موفقه بإنتظار المزيد والمزيد ❤️
#أبجد