#٤٥دقيقة_من_الحياة
#كشكول_المجهود_الشخصي
#مني_رضوان
٤٥ دقيقة حياة 😍
انا واحدة بتحب الروايات عمري ما شدني ادب القصة القصيرة بأشبه الفرق بين الرواية و القصة القصيرة زي واحد رايح يتغدي في رستوران شيك قوي وواحد و هو ماشي اخد ساندوتش من الدرايڤ ثرو ؛ و بناءا على ترشيحات ناس كتير و ان الكتاب بيست سيلر و ترندينح ده غير التريلير التحفة اللي لازم يتشاف اشتريت كتاب كشكول المجهود الشخصي و قرأته ! و رغم كونها قصص قصيرة فهي بالنسبة لي كانت روايات شدتني و عجبتني جدا و انا بقراها شفت نفسي في اكتر من لوكيشين في القصص احيانا بأكون البطلة و مرات تانية بيبقي نفسي كدة ادخل اخنق حد اطبطب علي حد.
انا يسرية و انا الدكتورة بتاعة نوال و انا اللي كان نفسي قوي اقف جنب هدي و اخدها بالحضن و اقولها ما تخافيش و برضه كان نفسي ادخل ادي الواد كريم هو و اي كريم زيه في الدنيا و دول كتير قلمين !
مسكت الكتاب و ما سبتوش غير لمًا خلصته من كتر ما شدني ؛ روايات قصيرة من حياة كل واحد فينا مليانة احاسيس مبكية و مضحكة و صادقة جدا. مبروك يا منى كتابك الاول انا بجد استمتعت جدا بيه.