أنا لا أدعى إنى ناقدة ولا متعمقة فى الأدب... أنا مجرد واحدة طول عمرى احب القراءة والكتابة وسرد القصص والحكايات 😊
لما قررت أفصل وآخذ أجازة كان "كشكول المجهود الشخصي" رفيقى 📙
وبرغم إنه قصص قصيرة تدور فى ٤٥ دقيقة... بس الحقيقة قدرت تمس مشاعرى بعمق وتعيشنى حالة!! كتابة سلسة وبسيطة تسرد حكايات ومواقف كلنا عشناها بشكل أو بآخر وكانت فاصلة فى حياتنا! لسه ما خلصتوش.. برغم إنى قادرة أكمله فى يوم... بس مش عايزة 🙂 مش عايزة أخرج من الحالة بسرعة! سعيده بالأحاسيس والذكريات إللى أحيتها كل قصة برغم إن منها مؤلم ولكن كنت محتاجة أعيشها علشان أكون أنا دلوقتى 🙏🏻
"حوار ذى الخمسة أعوام" أول ما قرأتها جريت على بنتى... قلت لها منى كاتبة عنك 😄 قصة أنا عايشاها بس مع حفيدى 😅 فى القصة دى منى لخصت الحب ببساطة: "... أنت تقدم لى الحب والونس والصداقة والاهتمام والمرح فى آن واحد، لا تكترث بأى شئ طالما نحن معا، تجلب لى الكثير من الطاقة الإيجابية بوجودك فى حياتى، وتجعل يومى مشرقا بمجرد أن أراك" 🌞