ماذا يحدث فى منزل 🏡 جارك ❓❓
🥁
🥁
🥁
أبدا مفيش " آن " و " مارك " مجرد مدعوين على العشا عند الجيران احتفالا 🥳 بعيد ميلاد جوز المدام ..
بس للاسف الدعوة مش عامة ومش هتبقى لمة
والجيران مش عايزين ازعاج " ممنوع 🚫 اصطحاب الأطفال " كلمة بتزعج كل الأمهات … وتحيرهم وتوترهم
اكلم ماما تقعد بـ " كورا " 🤔
ولا طنط مامة ماركو بس ديه بدرى بتنام 👵🏼💤
نشوف جليسة تقضى معاها الكام ساعة ⏰ وكله هيبقى تمام 👌🏻
بس الجليسة اعتذرت لأيام
طبعا الحل الطبيعى … نعتذر عن العشاء 🤷♀️
لا هنروح وهنسهر ونسيبها فى اوضتها ونتابعها من الجهاز والبيت جنب البيت مش هيحصل حاجة ماتخافيش … وده كان اقتراح " ماركو " لـ "آن "
وكده كده هنعمل شيفتات
كل نص ساعة واحد يروح يطمن ويشوف الأحوال
وافقت " آن " على مضض قلب الأم مش مرتاح وفى نفس الوقت كانت بتعانى من الإكتئاب ومحتاجة تفصل وتريح البال …
ومع شوية اطمئنان وتأكيد من " ماركو " أن كله آندر كنترول … راحوا لبيت جيرانهم يستمتعوا بالعيد ميلاد 🧁
لكن اللى يخاف من عفريت 👻 يطلعله
وقلبك يا " آن " كان قلقان بالرغم من الشيفتات والبص على جهاز المراقبة كل شوية لزيادة الاطمئنان وفى لحظة رجوعكم للبيت تلاقى الوضع مش تمام 😬
الباب الأمامى مفتوح ‼️
خطوات تفصلك عن أوضة " كورا "
قلبك بيدق من الخوف 😨
لحظات من السكون مفيش ولا صوت 🤫
" كورا " اختفت من مهدها ومفيش أى اثر حولها
ديه طفلة عندها 6️⃣ شهور استحالة تعرف تقوم تمشى من سريرها لوحدها ⁉️
البنت اتخطفت يا ماركو واحنا السبب
ازاى نسيب طفلة لسه فى مهدها ونروح نسهر وننسى نفسنا
اكيد راحت هنا ولا هنا
ديه كانت فى سريرها وانا لسه شايفها من نص ساعة لما روحتلها
مين اللى خطفها
وازاى عرف اننا سايبنها
ياريتنا …. وصلة ياريت من الام المصدومة
وعتاب على الأب الغير مسئول
ونظرات 👀 الناس ليهم على اهمالهم 😏
🙋🏼♀️ ماتقلقوش محرقتش اى حاجة ده مجرد اول فصل فى الرواية … لسه ياما هتشوفوا انبهارات 🙄وتتفاجئوا وتتخضوا كمان 😱
الرواية مليانة مليانة احداث
من اول ما تبدأ التحقيقات
والبحث عن خاطف بنت 👧🏼 " آن "
ومع الدعبسة بتيجى ايه المعرفة
والمستور بيبان ومعاها النفسيات هتقب وتظهر من التحقيقات
هتخليك تفكر 💭 كتير
أنت عارف كل شخص حواليك
ما يمكن " ماركو " اللى خطفها لاسباب فى الدماغ
ما يمكن " آن " اللى قتلتها ما هى بتعانى من اكتئاب ما بعد الولادة وبتاخد علاج
ما يمكن " سنثيا " جارتهم مثلا طلعت بتحب ماركو وعايز تفرس " آن "
ما يمكن " ريتشارد " والد " آن "
ما يمكن " عم اندرو " السكيورتي هو كمان 🤷♀️
هتفضل طول الرواية تقول " يمكن " لانك مش هتبقى عارف تحدد الخاطف مين
بس الاكيد أنك طلعت مش عارف 🤷♀️ حد من اللى حواليك … ولا عارف دماغهم بتفكر فى ايه
ولا جواهم ايه ولا ماضيهم مخزن ايه ⁉️
تانى رواية لـ " شارى لابينا " اقراها وحقيقى استمتعت بها زى قرأتى لاول رواية ليها
تشويق تلاقى
حبكة مدروسة صح 👌🏻مفهاش استفهامات ⁉️
سرد ممتع بسيط وسلس وفى نفس الوقت يوتر ويشد…
الترجمة كانت ممتازة بجد مفهاش اى فذلكة وتحس انها لغة الرواية الاصلية 👏👏
اتمنى يتم ترجمة اعمال تانية للكاتبة لو ليها اعمال 😍💙
#مكتبة_دنيا
#قراءات_٢٠٢٢
#قراءات_أغسطس_٢٠٢٢