وعلى رأى مثل معرفش 🤷‍♀️ أصله

" جارك يبنى جدار .. هتموت وتعرف ايه وراه "

😄😄

كلنا فضوليين ولا نستثنى احد

مجرد اختلاف فى النسب ونوع الخبر 😉

فمتعملش نفسك مش فضولى

لانك هتمارسه فى الحال علشان تعرف ايه الكلام 🤭

الحكاية بدأت … ببنت بتجرى بفستان جميل

أبيض وتطريزه بسيط تشبه أميرة 👸 ما

شوفناها فى يوم من الأيام

بس ازاى بتجرى بالفستان شكلها خايفة من شىء ما

أو هربت من فرحها زى ما باين من الفستان 🤔

وطبعا الفضول خلى المخرج " عمرو " يمشى وراها لحد الفجر …

هيعرف حكايتها ويساعدها ❓

ولا تفتكروا هيلعب الدنيئة وويتسلى بالبنت البريئة😈

ولا هى بالنسبة له مادة خام لفيلمه 🎥 الجاى

طيب صعب عليه حالها ولا مجرد تجربة جديدة حب يعيشها..

ايه حكايتك يا " ديانا " و حكاية اسمك اللى مش ع مقاسك🤔

نزلتى الزمالك بمزاجك علشان تشوفى حلمك قدامك…

طيب ايه علاقة الفستان اللى فى الأتيليه و ليه مزغلل العين 🤩

وايه علاقة اسمك بالأتيليه واللى موجود فيه

شطحتى بأحلامك ولبستى فى الحيط فى الاخر 😄

وادى جزاء اللى يحلم الحلم ويصدقه 🤭

شخصيات كتير هتقابلك فى الطريق مش هتلغبط بينهم لان كل واحد فيهم واخد مساحته وهتستمتع بحكايته..

هتخمن ده اكيد وهتعرف مين الجانى من مين المسكين .. وتخمينك هيطلع فى محله فى اوقات كتير

لكن فى شخصيات هتلعب بيك كتير ومش هتبقى واضحة فى تصرفاتها وهتتخم فيهم بالتأكيد

وده سبب حلاوة الرواية … الشخصيات هتحيرك وتلغبطك ..

القصة غنية بالتفاصيل

اسلوبها مشوق ومش هتمل من السرد الكتير

بالعكس هتتخيلها وهتحس وأنت بتقرأها أنك شايف أبطالها وشايف ملامحهم وردود أفعالهم ..

متخيلاها فى عمل سينمائى زى اللى رسمته وتخيلت مين هيمثلوا فيه😄

#مكتبة_دنيا

#قراءات_٢٠٢٢