الرواية : #أجابي
الكاتب: #رومانى_لطفي
عدد الصفحات: ٣١١
دار النشر : #بتانة_للنشر_والتوزيع
عايزنى اخف 🤒
طيب رجعولى حلمى 💭 …
بس الحياة عمرها ما وقفت على حلم واحد الاحلام بتتغير مع تغير الظروف اللى حوالينا…
حقيقى … احنا ماشين بنحلم 😴🛌واحنا صاحيين 🚶🏼🚶🏼… واحنا صغيرين 👧🏻بنحلم طول الوقت نكبر 👩🏼.. ولما نكبر احلامنا بتتغير ونقول ياريتنا ما كبرنا بس برضه بنستمر ونعافر ونحلم بالكلية🏫🎓 ومن بعدها الوظيفة 👩🏼🏫وطموحنا يكبر ونفضل نحلم بإمتى نترقى ونعلى فى أشغالنا…
وشوية ونحلم بالبدلة السودا والفستان الابيض 🤵🏻♂️👰🏻♀️…
بس بنتشعلق دايما بالحاجة اللى تساعدنا على حلمنا
صديق👥 بقى
اهل👴🏼👵🏼 يمكن
حبيب 👩❤️👨ياريت 😁😍
بس الغريب أن " أمير " أو " دكتور نادر " اتشعلق بـ " روح " 👻مريم … جارته وصديقته فى المدرسة🏫🎒
طيب ايه المشكلة⁉️
بقولك " روح مريم " 👻 … روح زى " جوست " كده مش قصدى روح من روح قلبى والتسبيل ده 🤫
كتير مننا لما بيفقد 🪦حد غالى عليه بيحصل عنده صدمة 🙀 تخليه بيتهيأ له أنه بيشوف الشخص اللى فقده أو بيكلمه 👀… ده مرض نفسى ممكن من أثر الصدمة ومع زوال الصدمة وبالعلاج هتروح التهيؤات
بس اللى غريب أن بطل الرواية بنى حياته على وجود الروح ديه وبدأ يحس بدعمها وانها المحرك الاساسى لحياته وسبب نجاحه وتحفيزه
ومقتنع بوجودها فى حياته حتى لو رفض المحيطين به وجودها …
ياترى " روح مريم " 👻موجودة فعلا ولا تهيؤات ⁉️
خدعتنى الرواية بالملخص على ظهر الغلاف … ادتنى ايحاء بعمل نفسى معقد وده ذوقى جدااا
لكن صدمتى 🤦🏼♀️
أن الرواية طلعت خليط من الرومانسية👩❤️👨 مع تتش اجتماعى و الجانب النفسى مظهرش غير فى اول كام صفحة واخر كام صفحة 📄 وبشكل مخفف جدااا
السرد فيه وصف واحاديث جانبية كتير مفدتش الرواية بصراحة 😶 يعنى حوارات الاهل مع بعض والجيران مع بعضيها طول الوقت اللى هو اكلتوا ودنى ادخلوا فى المفيد .. رغيهم مع بعض أوڤر الصراحة بصوت "دنيا سمير غانم "
🤦🏼♀️🤦🏼♀️
فى حاجات ما اقتنعتش بها تماما
زى دكتور رايح يحكى تجربته فى ندوة او 👨🏼🏫 محاضرة فى الجامعة يقرالهم كتاب 📕 حياتى يا عين 👀 كله انا عارفة ان طبعا المقصود الحكى للقارىء بس اللى باين ان الدكتور فتح روايته وعمال يقراها للحضور 🤦🏼♀️
الحب اللى ولع 🔥 فى الدرة بتاع ثانوى مش لوچيك خالص
السن ده اعتقد مبيتعلقش بالشكل ده خالص الا بقى لو بنتكلم فى زمن الابيض واسود
لكن دلوقتى انسى مبيحصلش نهائى
الـ move on سريع جداااا 😎
ده الزوج مراته بتموت بيتجوز بعد الاربعين بتاعها … بطل الرواية هيفضل سنجل لحد ما يكبر ويبقى دكتور مشهور كمان وعايش يحب فى " روح " ❓❓
الرواية من وجهة نظرى هيحبها اصحاب القلوب 💞المرفرفة أما اصحاب الجرائم 🔪والسايكو 🤪من أمثالى يمتنعون 🙅♀️
كمان تناسب قوى فئة عمرية محددة
حساها فيها من برائتهم لسه الدنيا محطتش عليهم ده لو هما لسه ابرياء اصلا 😁
#مكتبة_دنيا
#قراءات_٢٠٢٢