🔖 الاختيار شيلة صاحبه…
دايما بيقولولنا كده 🤷♀️
مش انتِ اللى اختارتى شيلى شيلتك ومعاهم خيبتك ومترجعيش تلومينا ولا تندبى فى حظك..🙆🏼♀️
لحظة تهور بس مش هتروح لحالها 🤦🏼♀️
اصل بيجى معاها تسرع مع شوية تدهور فى الحالة النفسية مع دروب فى الحالة المادية تاخد عليها قرارات يا تندمك يا تفوقك 😲من غفلتك 🥱
يا تبقى من المحاظيط وتبقى ضربة حظك 🔮 💪🏻
بس ياترى مع " ثومة " بطلة روايتنا اختياراتها علمتها ✅ولا علمت عليها وشوهتها❎
بس بلاش نلومها فى حاجات ظروفها اللى دبستها
اتولدت مشتتة ولا تعرف ابوها ولا أمها 🧓🏽👴🏼
يادوب تعرف اخوتها من الراجل اللى معيشها
كتر خيره انه ساترها بس برضه كان مسود عيشتها على حسب تفكيرها ..🤔
كان عايز يعلمها صنعة بس هى كبريائها مانعها😌
لحد ما وقعت فى المتريش 😎وقالت خلاص هتغير عيشتها و " إبراهيم " هينتشلها من أزمتها..🎣
بس شكلك يا ثومة منحوسة واختارتى بهبلك اللى وكسك وياريته نصفك.. ⚖️
ده حتى بعد خلفتك اتبروا من مجايبك قال ايه مش من نسلهم … 👩🏼🍼
طيب ازاى يا عالم والله ابنكم وحتة من لحمكم ترموه علشان شكلوا غريب عنكم 👶🏻
وهربت 🏃♀️🏃♀️ثومة من بيتها وحصنها وخرجت للعالم بإبنها ومن ساعتها وهى بتقوم وتقع وتقع وتقوم 😰
وكل ما الدنيا تبدى تضحكلها 😁… تديها قلم يوقعها من سابع سما.. 🤚🏻
بس عجبنى صمودها واصرارها وتشبثها بالفلاح 💪🏻
مع ان مفيش بادرة نجاح تفتح نفسها.. 🤲🏻🎓
رواية موجعة حقيقى وكلها قسى وشقى ووجع بس تعلمك انه بالرغم من الألم فضلت " ثومة" عندها أمل 🙏🏻
ولا لعنت حظها 😩ولا مشيت فى سكة غلط💃 ..ولا اتحججت بقلة الحيلة وضعف الحال ولا مدت ايدها على مال مش من حقها… 🤏💵
والنهاية آه من النهاية … 😭😭
وجع وجع وجع كان نفسى تندع شوية أمل 🤲🏻 ده انا صمدت قدام الصفحات 📑على امل ألاقى الانشكاح 😁مش بيقولوا بعد العكننة بتيجى الشخلعة 💃
لكن للاسف مجتش الشخلعة واستمرت العكننة يصحبها شحتفة😢😢
📌نوت 📝 : عندى بس اعتراض على حدث فى الرواية اتصرفته " ثومة" عارفة انه غصب عنها بس لو مكنش حصل كانت هتفضل ثومة رمز ويمكن يتعملها تمثال 🗿فى دماغى..
لو ليك فى المآسى يبقى توكل وابتدى فى الرواية
هتحبها هتحبها بس مناديلك جنبك لزوم الـ 🤧
📌كمان نوت 📝😁
شابوووووو 🎩للكاتب أنه قدر يكتب ✍️ بإحساس مشاعر وتخبطات ولحظات القوة والضعف للبطلة بمنتهى الإنصاف من غير ولا يتبلى علينا كستات ولا يمدح فينا اتقاء لشرنا 😜 وطلع بالشكل ده بجد ..
«الابتلاءات موزعة على جميع البشر بنسب متساوية، لكن إحساسهم بها غير متساوٍ ».
#مكتبة_دنيا
#قراءات_٢٠٢٢
#أبجد