الرواية : #غرفة_إسماعيل_كافكا
الكاتبة : #شيماء_هشام_سعد
عدد الصفحات: ١٨٠
دار النشر : #كتوبيا_للنشر_والتوزيع
أبشرى يا مريم ؛ سأموت يوم الجمعة ‼️
- ايه يا اسماعيل ❓
- هو فيه حد بيبقى عارف هيموت يوم ايه 🙄
- آه فيه 😏
- لما تكون أنت اللى ناوى تتخلص من حياتك 🥺
- طيب وايه اللى يوصلك يا إسماعيل أنك تقرر تنهى حياتك ، ومين مريم ديه اللى بتزف ليها خبر موتك ولا كأنك بتقولها انك اتوظفت فى الخليج 👨🏻💻
القصة طويلة بس ممكن اديك خلاصة حياتى وسبب مأساتي
بس توعدنى انك متكتئبش معايا، ومتحاولش تمنعنى عن اهدافى 😐
هحكيلك حكاياتى وهسيبك تحكم بنفسك بالنيابة عنى لو كنت مكانى كنت هتفضل فيها لثوانى ‼️
ايدك معايا كده … ديه أوضتى مساحتى المسموح بها ليا 🙄 هتعرف تدخل من بابها 🚪 وتفتح شباكها 🪟ده حتى اختى مبتعرفش تزورنى بتقعد تكلمنى من ورا بابها اصل الاوضة مينفعش تساعها …
ديه اوضة الكراكيب وانا من ضمنها… اصل انا ايه لازمتى وانا قاعد برقدتى من 2️⃣0️⃣ سنة ..
بعد ما اصبت بشلل 🧑🦽 وفقدوا الأمل … لقوا أن مكانى اوضة الخزين ماهما مضطرين يخدمونى طالما لسه فيا الرمق نفس 😮💨طالع وداخل 🫁لكن من غير هدف ..
موجود بالاسم🏷 لكن غايب بالفعل 🙅🏼♂️… حاضر غايب زى ما بيقولوا … شهور تعدى وانا قاعد فى أوضتى باصص 👀على سقفى 🛖وارجع بذاكرتى … افتكر مراحل حياتى وخطواتى 🧐
قرارتى وانتكاساتى .. بين وبين نفسى .. محدش بيعرف يزورنى ، محدش بيشركنى فى حياته ما انا بالنسبة ليهم ماليش نصيب فيهم 😔
معرفش مين نجح من ولادى 🎓
ولا مين اتجوز منهم فى حياتى 👰🏻♀️🤵🏻♂️
ولا مين هما احفادى 👶🏻👧🏻
ما الاوضة يادوب سايعانى انا وكراكيبهم
هيدخلوا فين يبصوا على المسخ الموجود بالاسم فى بيتهم ده لا له حس ولا صوت …
وبعد ده كله بتسألنى ليه عايز تموت ‼️
🔖 رواية صادمة ومؤثرة لشخص فقد طعم الحياة وهو لسه على قيدها … احساس صعب تتخيله عايش ومش عايش … سنين اخدك فيها اسماعيل لورا وعشت معاه طفولته ومراهقته شبابه وغربته وفى الاخر عجزه وقلة حيلته وانتهت بسلبيته
بس ياترى هتتعاطف مع حاله وهتضعف قدامه
وتقول مظلوم والدنيا غدرت بحياته
ولا هتلومه وتقول هو اللى اختار سلبيته بذاته ✋🏻
بس الأكيد أنك مهما اختلفت مع شخصيته هتدمع ويصعب عليك دنيته 🥺
#مكتبة_دنيا
#قراءات_٢٠٢٢