رحلة جديدة مع عمل جديد من إصدارات معرض الكتاب ، رحلتي مع رواية لحدث تاريخي مش معروف و لا متداول و كان جديد جداً بالنسبالى ، حدث شائك بيرصده الكاتب بعيون أبطاله بشكل جرئ جداً.
العمل جيد ... مكتوب بلغة متمكنة ، ترتيب الأحداث و تصاعدها كان هايل جداً و محفز على القراءة رغم صعوبة الموضوع ، و وجود بعض المشاهد الفجة و المؤلمة اللى مش هتكون مناسبة لبعض القراء ، و اللى كانت بتخلينى اسيب الرواية لبعض الوقت لكن الحقيقة كنت برجعلها تانى و دى نقطة تُحسب للكاتب اللى قدر بحبكة الكتابة و الأحداث يسيطر على خيال و عقل القارئ و يستفزه لتكملة العمل.
النهاية منطقية مرضية لخيال القارئ و ان كان في بعض الاطالة في الفصل الأخير.
هاستنى مناقشة العمل عشان عندى أسئلة كتير جداً.
بشكر كتوبيا للنشر والتوزيع و بحييهم على شجاعتهم لإصدار عمل اعتقد انه ممكن يكون مثير للجدل ، و بتمنى لهم كل توفيق و نجاح.