قريت الديناصور وهي فعلاً رسالة حب من زمن آخر ودة مش عنوان بس، دة الرواية شخصيا❤️

اسم الرواية ذكر مرة واحدة فيها ولكن كان في عقلي مع كل صفحة اقلبها…

قريت نصها وقلت اكمل بكرة ومقدرتش - كملتها في ساعتها وتاثرت بكل تفاصيلها وشخصيتها وشفت شوارع وحدائق المعادي، القصة جميلة والموضوع مرهف ولمس قلبي - اليّ مكتوب على لسان مصطفى وهو بيوصف ذكرياته وبعد كدة وهو بيكتب قصته - حاجة في منتهى العذوبة والروعة ورقة المشاعر .

ارتبطت بالقصة وحبيت جدو مصطفى ونادية وعم كامل وشفت شجر المعادي وشربت قهوة في بينوس وعديت على شارع ٩ وشارع القنال ونادي المعادي.

انا كنت من سكان المعادي وسبتها منذ عدة سنوات بس لسة قلبي فيها وبروح هناك ساعات كتير لوحدي واعمل زي جدو مصطفى بالضبط وافتكر ذكريات جميلة اتمنى ان تعود.

حلوة اوي الرواية - وكتابتها سلسة وعذبة

A piece of writing that can literally speak.

مش عايزة احرقها ولا عايزة اقول الحكمة منها وان كنت شايفة ان الفرصة بتاعة الديناصور اليّ مقتنصهاش اكتر حاجة زعلتني بس مع ضياع فرصة قديمة ولدت فرصة وقصة حب جديدة كان المحب فيها اكثر شجاعة.

بلاش الصمت وقت ما الكلام يكون لازم يتقال .

ويتبقى اجمل ما في الرواية انها جمعت مكان جميل ' المعادي ' بذكريات واشياء واماكن بنحبها.

لأننا زي ما بنحب ناس كمان بنحب اماكن .

يا عمرو Chapeau Amr Hussein جسدت حب راقي وعصري بحب اصيل وطلعت ديناصور من المشاعر

#معادي_يا_دولة

#الديناصور