حلم ماكينة الخياطة...رواية للكاتبة الإيطالية بيانكا بيتسورنو وهي تشتهر بكتبها للأطفال والشباب وتعتبر من أهم المؤلفين الإيطاليين في هذا المجال..
تدور أحداث الرواية في أواخر القرن التاسع عشر و بتحكي فيه خياطة شابة كيف تعلمت أصول المهنة من جدتها و إزاي كانت بتحاول تتطور من نفسها علي الرغم من ظروفها المعيشية الصعبة..
الكتاب بيلقي الضوء علي أهمية خياطة الملابس عند معظم البيوت في هذه الفترة ومن خلال عمل الخياطة الشابة في الكثير من المنازل بنتعرف علي عائلات وشخصيات كثيرة كانت تتعامل معهم وبنقدر نتخيل شكل المجتمع في هذه الفترة بطبقاته المختلفة....
إسلوب السرد ممتع جداً ،سلس ومشوق..
الترجمة كانت ممتازة...القصة تحسها هادية كدة و حتلاقي نفسك مندمج معاها...بس الصراحة الكتاب معجبنيش أوي !
نوعية الكتب دي ..اللي هي بتكون خفيفة ولذيذة وتحس إنك قاعد بتتفرج علي فيلم قديم بنهاية ساذجة إلي حد ما بتكون محتاج تقراها في فترات معينة بس في نفس الوقت لما تخلص الكتاب بتحس إنه كان مجرد قراءة سهلة ومش عميقة كفاية ولم تضف إليك الكثير...
كتاب لطيف..مقدرش أقول عليه أكتر من كدة!
جايز محبتوش عشان قريته بعد رواية أكتر من رائعة لنيكوس كازانتزاكيس فيمكن حسيت إن في فرق كبير بين مستوي الكتابين..بس في رأيي المتواضع هو كتاب يصلح فقط كفاصل خفيف بين الكتب الثقيلة مش أكتر ولا أقل..!