يوميات نائب في الأرياف > مراجعات رواية يوميات نائب في الأرياف > مراجعة Donia Darwish

يوميات نائب في الأرياف - توفيق الحكيم
تحميل الكتاب

يوميات نائب في الأرياف

تأليف (تأليف) 3.9
تحميل الكتاب
هل قرأت الكتاب؟
  • قرأته
  • أقرؤه

    الى أين وصلت في القراءة؟

  • سأقرؤه

    هل بدأت بالقراءة؟نعم


لا يوجد صوره
3

❞ تحفظ القضية لعدم معرفة الفاعل ويكتب للمركز باستمرار البحث والتحرى❝

جملة تزيل آخر أغلبية المحاضر …

حقيقى خُفت بعد انتهائى من قراءة الرواية … هل فساد الادارات الحكومية والاستهتار ممكن يوصل بإهمال حق أرواح …‼️

طيب هل فيه مسمى فعلا اسمه " روح القانون" ❓ ولا ده وهم ولا ده مينفعش اصلا … بجد سؤال 🙋 محتاجة رد عليه ❔وطبعا مش قصدى هنا 👆🏻 الجرائم البشعة امثال القتل 🔪

مثال فى الرواية : قصة الراجل اللى كان بيغسل هدومه فى الترعة وطُبق عليه غرامة مالية ..

وفى المحضر لما سألوه قالوهم هغسلها فين !!!

ما هو معندناش مياه 💦 فى بيوتنا 🏠 يا سعادة البيه 🥺

ده يطبق عليه ايه بجد !!!

طيب ما احنا حلوين اهو ونشطا وبنأدى مهامنا ومفيش تفرقة … والقانون لازم ياخد مجراه …

طيب بالنسبة لقضايا القتل والسرقات اللى بالملايين والاغتصاب etc … ايه بقى دول القانون مش فاضى ياخد مجراه … ( ايموچى نبيلة عبيد بقى ) 🤔😁

ولا ده بس علشان صاحبنا " الكاتب" حظه العاثر انه وكيل نيابة فى " الأرياف" اللى هو طبق يا بنى القانون على الغلبان اللى مش هيقدر يفتح بوقه معانا لكن امثال العُمد و اصحاب الاراضى اوعى يا بنى دول واستخدم معاهم روح القانون الحلوة بتاعتنا ديه 🥺

الغريب بقى أن مفيش شكوى … استسلام تام للاحكام وكأنها مسلمات …🤷🏼‍♀️

❞ ومضت الأحكام فى جميع المخالفات على هذا النحو، ولم أر واحدًا من المخالفين قد بدا عليه أنه يؤمن بحقيقة ما ارتكب، إنما هو غرم وقع عليهم من السماء كما تقع المصائب، وإتاوة يؤدونها. لأن القانون يقول: إنهم يجب عليهم أن يؤدوها! ولطالما سألت نفسى عن معنى هذه المحاكمة، أنستطيع أن نسمى هذا القضاء رادعًا والمذنب لا يدرك مطلقًا أنه مذنب؟ وفرغنا ❝

طيب هل لمجرد الانتهاء من قضية ممكن أرمى البلا زى ما بيقولوا على حد تانى لتقفيل المحضر وعادى المُحضر او المأمور أو أيا كان رتبته يروح بيته وينام 😴 فى سريره 🛌 هادىء البال مرتاح الضمير 😌

يوميات نائب فى الأرياف هى شبه مذكرات 📝 كتبها توفيق الحكيم بشكل ساخر وموجع فى نفس ذات الوقت ببراعة تخليك مش عارف تضحك على المواقف ولا تبكى عليهم " هم يضحك وهم يبكى" فعلا حسيتها طوال قرائتي للرواية …

وضح الكاتب الظلم و الفقر فى الريف المصرى واللى بيشوفه اهالى الريف من تعنت وتعسيف بسبب تطبيق قوانين لم تراعى أحوالهم وظروفهم، سردها فى شكل ذكريات موظف حكومى مصرى بيشتغل فى سلك القضاء..

بس الحق يقال أنا مش عارفة احدد فى كذا قضية الصح من الخطأ… يعنى هل فعلا ينفع اتعاطف فى القانون 🤦🏼‍♀️ ‼️

"إن المرارة والسخرية التى

رسم بهما توفيق الحكيم هذه الصور لا يمكن أن تنسى».‏

#مكتبة_دنيا

#قراءات_٢٠٢١

Facebook Twitter Link .
0 يوافقون
اضف تعليق