الرواية : #بالحبر_الأزرق
الكاتب: #هشام_الخشن
عدد الصفحات: ٢١٤
دار النشر: #الدار_المصرية_اللبنانية
هنري العزيز ….
١٥ رسالة ✉️📮كتبتهم ليديا ستون.. وهى لم تخطط لإرسالهم … رسائل لم ترسل عن طريق ساعى البريد 📬👮🏻♂️
ولا بريد الكتروني 📧مكنش فيه انترنت 💻😄
رسائل 📩 رايحة 👈🏻 من غير رجوع 👉🏻 ولا ردود 🥺
ضخت فيهم كم من …
*مشاعر الحب ( بس هو حب الحبيب والشريك👩🏻💙👨🏻 ولا حب الأم لوليدها 🤱🏻) 🤷🏼♀️
*حنين … ( حنين للوطن 🇬🇧 ) بس أى وطن يا ليديا .. انتى بحكايتك انتَميتِ لكذا مكان … ياترى بقى لندن 🇬🇧 ولا القسطنطينية 🇹🇷 ولا مصر 🇪🇬
* الاحتياج والوحشة … احتياج لأهل وونس وسند
وافتقاد حضنهم واحتوائهم
أوهمتنا "ليديا ستون" أن هنرى العزيز … هو ….
اكيد مش هقول طلع مين علشان محرقش الاحداث 🔥
فى رسائل ليديا مش هتتعرف على قصتها هى بس
لكن هتصطحبك معاها فى تنقلاتها خلال اعوام كأنك فى رحلة … وطلعت باخرة 🛳 مش عارف هترسى فين هتبتدى معاك فى لندن وتبحر بيك لقسطنطينية 🇹🇷
"كيف أصبحتِ يا ليديا من مرتبة الأسر الهانئة لأهل العوز … "
كيف أتى بى إعلان عن رغبتى فى وظيفة مربية فى التايمز إلى هنا!
مالى وما للإمبراطوريات والسياسة؟
مكنش قدامك فرصه غير …. الهروب 🏚🏃♀️🏃♀️
هروبك من حياتك السابقة بمشاكلها وفقرها ووضع نهاية لعلاقة حب فاشلة وما ترتب عليها … اضطرك أنك تقبلى بوظيفة مربية فى قصر " مصطفى فاضل باشا" شقيق الخديوى " اسماعيل"
بس انتِ يا ليديا مش اى مربية ده انتى بقيتى فى خلال وقت قصير الساعد الأيمن 💪🏻زى ما بيقولوا للأميرة "نازلى فاضل " 👸
فى الاول تم تجنيدك لصالح الحكومة البريطانية لتبقى "ليديا" عين 👁 بريطانيا 🇬🇧 داخل قصور السلاطين والامراء .. وده اللى هنعرفه من خطاباتها ✉️✉️لـ " هنرى"
« نعم يا حبيبى أنا ليديا أصبحت موظفة ، وإن كانت وظيفة سرية فى حكومة جلالتها"..
"من أجل أن تسود إمبراطوريتنا لابد وأن نعرف عن قرب ما يدور فى البلاد المجاورة لنا. لا نراقب فقط من نظنهم أعداءنا ولكننا ندري ونجمع معلومات عن الحلفاء والأصدقاء قبل الأعداء أو على الأقل بنفس القدر من الاهتمام والدقة"
لكن بمعاشرتك للأميرة … غيرتِ حياتك وتفكيرك..
اصطحبتك معاها لعالمها وصالوناتها الثقافية ، بهرتك بأسلوبها ومهاراتها … عيشت معاها رحلة زواجها وانكساراتها …
لسه شايفة نفسك خاينة للأميرة ⁉️
"الآن أدرك أنى مررت بنفس الصراع الذى عاشته عايدة بين حبها لراداميس وولائها للحبشة"…
احببت الاميرة نازلى وشفتِ معاها وفيها اللى مشوفتهوش من اهل بلدك حقيقى ومن اقرب الناس ليكِ
لكن الاتفاق يبقى اتفاق …
وده اللى كنت فاكراه وهتكلم فيه عن اللى معجبنيش بقى فى الرواية ❗️❗️
اسمحولى اقول ان بداية الرواية مشوقة جدااا … تاخدك فى عالم الاثارة فمطلوب تحريات عن السيدة "ليديا ستون" الانجليزية اللى مرجعتش بلدها لمدة ٤٠ سنة ومذكراتها وخطابتها وعلاقتها بالحكومة البريطانيه ومكتب الشئون الخارجية
وسر وجودها فى بلاط السلاطين والامراء
طبعا انبهرت واتشديت 🤩والسرد اكتر من رائع بعيدا عن التشتت 😵💫اللى حصلى كذا مرة علشان كم الاحداث التاريخية اللى سردت بطريقة خفيفة لطيفة و كانت بتمر مرور الكرام وغصبا عنى كقارئة بضطر ارجع لكل معلومة ذكرت فى الرواية علشان اتاكد منها وده كان بيفتحلى ابواب تانية فبيحصل تشتيت بعيد عن احداث الرواية الاساسية وبضطر اعيد قراءة بعض الفصول … ممكن بالنسبة لأشخاص تانية مش بيهتموا يرجعوا ورا الاحداث هتبقى لطيفة جدا جداااا ☺️
طبعا توقعت أن هيبقى فيه معلومات خطيرة 📨⚠️هتبعتها ليديا للحكومة ما هو ده دورها او وظيفتها الاساسية … او انا تقمصت ادوار الست نادية الجندي وافلام الجاسوسية 🕵🏻♂️ وحفلات التعذيب علشان يشوفوا مين اللى حرضها بس
الموضوع طلع مع ليديا ابسط من كده ..
"يحلم الكبار فيستعبدون الصغار لتحقيق أحلامهم ولا يرهقهم أنين من يزعقون أثناء التنفيذ"..
هى مش اكتر من مربية … صادقت و استأنست بجوار الأميرة نازلى .. حبت عيشتها واندمجت فى حياتها و لما بيصيبها الحنين بتكتب لعزيزها " هنرى" مش لايق عليها دور الشر 😈
انا حبيت القصة واستمتعت بها كطريقة سرد
و بالرغم من انى تخيلت احداث فى دماغى 🧠 بسبب البداية وديه الخدعة من وجهة نظرى 😉
اخدتنى فى اتجاه معين … لكن .. النهاية كانت مختلفة عن توقعاتى ..
لو شوفت الرواية من اتجاه ◀️⏪
أنها من نوع أدب الرسايل و يتخللها بعض الاحداث لتصبح الرواية فى صورتها الحالية … هتحبها قوى
لو شوفت الرواية من اتجاه التشويق وانك مستنى حدث قوى يغير مصير ابطال الرواية 👇🏻
فبالنسبة ليا كان لا…. 🙅🏼♀️ مفيش …
هى مجرد حدوتة حلوة ( خليط من الانواع الادبية ) سردت بطريقة من وجهة نظرى مميزة هتستمتع باجواءها … انا اللى عشمت نفسى فى جو سسبنس بزيادة 🤦🏼♀️
"لم اختر عائلتى ولكنى حبيت بها رفيقة عمر وروح".
"هناك من يرسلون الى العالم نباريس فلا ينطفىء ضياؤهم مع الرحيل ونازلى من تلك الزمرة".
#مكتبة_دنيا
#قراءات_٢٠٢١