عداء الطائرة الورقية

التقييم : 3.5

ترجمة : منار فياض

366 صفحة

**** ازا بدكم تعرفو الأشياء السلبية اقرؤوا للآخر لإنكم ما راح تشوفو حدا غيري كاتب عنها اشي سلبي ..

*اول ما بلشت أقرأها اندمت اني شريتها وخصوي انو كان في بأول فصل صفحة فيها قلة أدب غير مناسبة ابدا ابدا وفي كمان الموقف الي صار وغير حياتهم برضو ما حبيتو ابدا ابدا برأيي لو الكاتب ما كتب هاد الاشي المقرف(اغتص*اب) وما قعد يشرح كيف صار الاشي كان احسن لو انو ما خلا الاشي هاد يصير وخلاه يصير اشي تاني مثلا مرض يصير مع حسان عشين امير ما دافع عنو هيك اشي احسن بكتير ...

*طريقة السرد حلوة وكيف كان يصور الموقف جيدة جدا بس للأمانة مرات بتزهقو من قد ما بفصل الإشي بالتفصيل الممل ....

* الترجمة في كلمات غير واضحة وصعب انو نفهم معناها لإنها اصلا مش بلغتنا بالأفغانية فإنو لو المترجمة حطت تحت معناهم لكان احسن وكمان كان في شغلة ما حبيتها انو في كتير اخطاء املائية .

*انا وبأول ونص الرواية كنت كرهانة الكاتب من قد ما كان يعلقك بالشخص او بإشي بعدين يحطم كلشي وكان يضلو يخليك مكتئب وكان كاتب "القصص الحزينة تصنع كتب جيدة" فكنت مفكرة انو الكاتب بدو يخلي القصة حزينة وما يبسطنا

*أول القصة كنت كرهانة كيف شخصية أمير الي هو الي بروي الرواية والشخصية الأساسية كيف هيك شخصيتو أبدا أبدا أبدا مش حلوة بس كان الكل ناسي انو امير كان عمرو ١٢ سنة .. لما ما دافع عن حسان وضل محمل حالو الذنب بس ولا حدا حكالو انو انت عمرك ١٢ سنة بس رحيم خان كان يعرف الي صار بس كان يستنى امير يحكيلو الموضوع عشين ينصحو ليش ما حكالو انو انت صغير لسا !!!🥺🌚

*لما صار الحرب على افغانستان تم تشويه سمعة العرب على انهم محتلين مغتصبين وارهابيين وسمعة الإسلام تم تشويها قليلا قبل الحرب عليها بس بعد الحرب تم تشويها بالكامل انو الإسلام يقتل لا وجود لله وانه الدين دين ارهابي يعني لو اني مش مسلمة كان بصير عندي فكرة انو الإسلام ارهاب صح انو الكاتب رجع زبط الاشي وخلا امير بالأخير يصلي ويحكي انو في وجود ل الله وانو قاعدين بعملو ارهاب تحت مسمى الاسلام بس لسا بحس مشوهة سمعة الإسلام في هذا الكتاب .

*كان فيها كتيير مواقف حلوة ضحكت معهم وزعلت معهم آخر الرواية كتير كتير كان في تغير بشخصية امير وكانت قاعدة بتصير حلوة

*النهاية كتيير حلوة أبدا ما توقعتها جد الكاتب خلاني ابطل اكرهو حبيتها كتير للرواية سبب اني اعطيتها 3.5 الأشياء السلبية الي حكيتهم لولا انو النهاية كانت حزينة كنت راح اعطي الواية ٢ او حتى ١ 🌚 ... انا كتبت عن الأشياء السلبية اكتر من الايجابية لإنو ولا حدا حاكي عنهم ما شفت ولا حدا كاتب هدول الأشياء .

بتوقع السبب في انو الناس بس بحكو قديش عجبتهم وما بحكو الأشياء السلبية آراء الناس التانية مأثرة عليهم فهمّ ما شافو الأشياء السلبية او ركزوا عليها .

انا شايفة انو الرواية ما بتزبط للي أعمارهم صغيرة للأمانة 🌚 فيعني الي بحكي انها مناسبة للجميع نفسي اقتلو 🌚