- رواية ( تراب الماس ) .

- للكاتب : احمد مراد .

- عدد الصفحات : 386 صفحة .

- دار نشر الشروق .

- نوع الرواية : غموض - اكشن - رومانسية .

- ملخص الرواية : تتحدث عم طه الشاب الصيدلاني حياته منظمة يعيش ويا ابوه المقعد حياة طبيعية لحد ما ينقتل ابوه ويقرر طه انه ينتقم اله عن طريق تراب الماس .

- اول شي اني قايلة اني احب هالكاتب من زمان 😂رواياته عشق .. ببداية الرواية شوي صراحة حسيت بملل كوناً انه بدا باحداث بسنة قديمة فمجنت مشدودة الها بعدين من انتقلنا لحياة البطل والي صار لأبوه بدا التشويق .. يعني الي حيحس بملل بالبداية كملها وحتحبها بعدين .. اسلوب احمد مراد بالوصف فضيع يوصف ادق الاشياء كأني قاعدة اشوف كل شي قدامي .. يوصف حياة الابطال كأني اعرفهم وعايشة وياهم لحد ما فعلا احسهم جزء من يومي واني داقرأ الرواية .. بيها جراءة الرواية وهالشي معروف بروايات احمد مراد .. افكار رواياته غير تقليدية وتشد .. حبيت النهاية ارضتني😌👌🏻 .. - السرد فصحى / حوار عامي .

- احلى شي الحوار بيه بعض الكوميديا كاني داشوف فلم بحيث اضحك .. والحلو همين بروايات احمد مراد حواره بالروايات يكون مقصود وبيه معنى يوصل بيه فكرة وينتقد مجتمع من خلال حوار بسيط يدور بين الابطال .. - جد عشت بهالرواية بعالم ثاني صارلي يومين بيها وحسيت اني شفتهم وعشت وياها فضيعة 😍❤️ .

- الرواية رح تصير فلم ان شاء الله كان المفترض وبلقاءات قال احمد حلمي انه حيمثلها بس بعدين لغوا العقد واتفقوا ويا غير ممثلين بس طول ما اني دأقرا احس جد هالشخصية لايقة لاحمد حلمي كوناً انه بطل صيدلاني عاقل يلبس نظارة منطوي شوي ويعلق بطريقة ساخرة يليق ع احمد حلمي خصوصا بعد ماسوا دور شبيه بفلم اسف ع الازعاج .. عموماً ايا كان الي حيمثله فاكيد متشوقة للفلم لان رواية تستحق هالشي بيها هواي معاني حبيتها هواي ..