- رواية ( سنترال بارك ).

- للكاتب : غيوم ميسو .

- عدد الصفحات : 347 صفحة .

- النوع : بوليسية - اجتماعية - مشوقة .

- ملخص الرواية : تستيقظ بطلة الرواية الشرطية اليس تلقا نفسها ع مقعد وايدها مربوطة ويا شخص ثاني ماتعرفه موجودين بسنترال بارك بنيورك .. رغم انها بالليل كانت بفرنسا والبطل غابرييل كان ببرلين .. شلون وصلوا نيويورك وشنو سر الدم الموجود ع قميصها والرقم الي مكتوب ع ايده !.. فيحاولون يكتشفون الحقيقة من خلال احداث بوليسية وحماسية جدا .

- ياخي هالكاتب اعشقه .. كل رواية اخلصها اله واني حاسة بسعادة .. كل رواية اقراها واني متاكدة بيها مغزى وجرعة من التفاؤل .. احب التفاصيل الي يسردها الي تدخلني بالاحداث وكاني بطلة وياهم .. الاماكن الي يروحوه وصفه والحوار كل شي كامل برواياته .. بنص الرواية تفاجأت بحدث قلت اوكي هاي هي الصدمة الي عودنا عليها غيوم ميسو برواياته بعدين اجا حدث ثاني مفاجئ اكثر وغير الرواية وكلما حاولت استوعب القى نفسي بعدني مصدومة لحد ما وصلت للنقطة الي غيرت الرواية كلها .. بقيت هيج صافنة وفرحانة احب ذكائه .. حبيت الاجزاء البوليسية .. والاجزاء الانسانية .. معاناة البطلة وماضيها .. الحب الي نشأ بينها وبين البطل .. شخصيتها العنيدة المغامرة تجنن .. والنهاية الي مليانة تفاؤل ورسالة الكاتب من خلالها .. جد بقيت مبتسمة بعد ماخلصتها والفرح الي حاسة بيه .. تمنيت ماتخلص قد. ماعشت الاحداث وياهم وياريت لو تصير فلم يطلع يجنن 😍 .

😍❤️ #روايات_فرح_صبري