نظراً لاصرار هواي اسوي رفيو عنها 😂 من زمان قاريتها بس يلا مو مشكلة❤️ ..

- رواية ( قواعد العشق الاربعون).

- للكاتبة: ايليف شافق.

- عدد الصفحات: ٥٠٠ صفحة.

- الرواية تتحدث عن ( ايلا ) الي عاييشة بروتين وحاسة ان اكو شي ناقص بحياتها لحد ما توصلها رواية اسمها ( الكفر الحلو ) حتى تكتب تقرير عنها فالرواية هنا حتنقسم قسمين .. قسم عن حياة ايلا بعد قرائتها لهالرواية وقسم عن الرواية نفسها الي تتحدث عن صداقة شمس التبريزي بجلال الدين الرومي .

- من احلى الروايات اعتبرها لان بيها كمية سكينة وشي روحي جدا عميق.. فكرة الدين المتعدل الي مابيه تفرقة بين كل الناس .. حبيت انه استخدمت 2nd POV الي هو يروي الحدث الاشخاص المحيطين بالابطال ومن اكثر من منظور هالشي احبه .. كونها رواية طويلة فالواحد يعيش بداخلها فترة ويبقى معلق بهذاك العالم .. تسليطها الضوء ع الشخصيات الي بنظر المجتمع سيئة بس هم شنو يكونون من الداخل.. حبيت انه بعض الفصول تنتهي بحماس حتى الواحد يعرف شحيصير بعدين..

- الملاحظات اولها ان مكتوب ع الغلاف انها عن جلال الدين الرومي واني شخصياً ك فرح من وجهة نظري يجوز غيري يختلفون بهالشي بس اشوف انها ركزت ع شمس التبريزي محسيت بحضور الرومي لا بالمواقف ولا كشخصية.. كان شمس المؤثر الاكثر بالرواية وهو الي ساعد بتكوين الرومي.. بحيث لما مات شمس اعتقدت انها خلص تمام رج تبدي الرحلة ويا الرومي وتظهر شخصيته بس مكان هالشي .. اعتقد الي قاري عن الرومي قبل الرواية الوحيد الي حيحس بعظمته لان بالرواية هالشي مموجود هم ديحجون بالرواية اوكي عن شخص عظيم بس مظهر هالشي بالمواقف شفت شمس الي تسلط الضوء عليه .. وموضوع الصوفية محسيت هواي اخذ حقه بالرواية واعتقد انها خلطت بين الدروشة والصوفيين بحيث ممكن بعض الناس عبالهم انه شي واحد فالفرق مبين بالرواية هاي .. اجمالاً رواية رائعة سلسلة .. بس تحتاج الواحد يتمعن بجمال المكتوب .. اكيد انصح بيها .. #روايات_فرح_صبري