- رواية ( مارأيكم في شكلي الان؟ ).

- للكاتبة: رندة عبدالفتاح.

- عدد الصفحات: ٣٩٦.

- النوع: اجتماعية- تنمية.

- الرواية تنفع هواي البنات المقبلات ع الحجاب او يستصعبون هالفكرة .. تتكلم عن بنت مولودة باستراليا من اصول عربية وبلحظة معينة تقرر تلبس الحجاب.. فشلون رح تتعامل ويا التغيير وويا هالقرار والمجتمع نفسه شلون حيعاملها.

- جد تنفع البنات المغتربات.. الي مقررات يتحجبن .. لان بالرواية البطلة تحطلها قوائم وخطط حتى تدرس هالفكرة انه فلان وفلان شحيقولون علية وشنو مميزات الموضوع ومساؤه وشون حيتغير ستايلها .. الناس المتعودين عليها وخصوصا بمدرستها شون حيتكيفون ويا هالشي .. وهل حتضعف هالفكرة براسها ولا حتكمل .. رواية ممتعة لأن دتسرد كأنما يومياتها ويا عائلتها وحياتها البسيطة الي تشبه هواي بنات .. عن بنت مراهقة تبحث عن ذاتها .. ونظرتها عن الحجاب الي حتقربها من الله .. تنفع هواي المبتدئين بالقراءة والمراهقين .. شي مفيد الهم ومحفز .. خصوصاً نهاية الرواية .. اعتبرت الرواية من نوع التنمية لأن الاحاسيس البيها والطاقة الايجابية تنمي هواي شخصيات البنات .. والمخاوف الي تعيشها البطلة من تغييير شكلها وشلون الواحد يتقبل شكله موبس لبس الحجاب .. انصحكم بيه ..

#روايات_فرح_صبري