- مبدئياً أنا مشوشة جدا زي بيري تمام بموقفي من الكتاب كله على بعضه !!!
- في مجهود قوي جدا مبذول من إليف في الكتاب مش عارفة هي درست فعلاً منهج فلسفي عميق يؤهلها للدراسة العميقة والمناقشة والجدال طول الوقت أو هي بالفعل بغض النظر عن الكتاب مهتمة بالمنهج ده في التفكير وبتقرأ عنه أو درسته مثلا ؟؟
- شخصية بيري بتمثل ملايين الناس دلوقتي " الناس اللي على الحياد " التام من كل حاجة في الدنيا وفي الحياة
- بالرغم من أن الكتاب استغرق مني فترة مش قصيرة عشان استوعب احدائه أول بأول إلا أنه إليف جات في الآخر وزي ما بيقولوا " قلبتنا " فجأة كله الأحداث خصلت لدرجة اني في اخر صفحة كنت متخيلة انه هيكون في جزء تاني مثلا مستوعبتش انها كده خلصت خلاص !!!!
- الرواية بتأكدلي أكتر إن المجتمع في تركيا ميختلفش كتير عن مجتمع مصر للأسف ونفس أمراضه النفسية ومظاهره الاجتماعية العقيمة والأشخاص المشوهين نفسياً الكتير جدا الموجودين حوالينا ويمكن أكون منهم وأنا معرفش !
- بشكل عام تقييمي للكتاب بـ 3 نجوم كان بشكل حيادي شوية لأني لا زلت فعلا مش عارفة الكتاب انطباعي الكلي عنه ايه لأنه وبعد ما قطعت قراءة معظم الكتاب كان أي حد يسألني بيتكلم عن ايه أو بيناقش إيه أو قضيته إيه ألاقيني مش عارفة أقول إيه بالظبط ؟؟ لأنه شغلتنا بتفاصيل كتير جدا ومشاكل تانية جانبية يمكن مكانش ليها أي داعي في الأحداث وتسببت بالتشتيت للقارئ !