الرواية اثرت فيا وألهمتني بفكرة انفذها بشكل ما درامي .. اتمنى تشوفوا التجربة دي من اللينك هنا

****

في رمضان 2017

تم انتاج مسلسل ضخم بنفس عنوان الرواية خلاني رجعت لها بعد ماكانت مركونه من فترة طويلة في المكتبة ..

وبغض النظر عن اختلاف الآراء حوالين المسلسل - لأن ده مش موضوعنا هنا خالص - الرواية شدتني جدا وابهرني أسلوب العبقري بهاء طاهر البسيط والدقيق في وصف المشاعر والأحاسيس الخاصة بالشخصيات ووصفه الاماكن بلونها وريحتها ..

في آراء عن طول الرواية وكونها ممله لكن ده بالنسبة لي ماحسيتهوش بالعكس وصلني إحساس الشخصيات بالملل لكن مش ضروري يكون ده معناه الرواية كانت ممله أكيد في فرق كبير هنا بين النقطتين ..

مش عاوزة احرق أحداث بس النهاية استغربتها شوية بالنسبة لتركيبة الشخصيات الرئيسيه ولكن بالرغم من كده تقبلتها ..

من اكتر اللي بيميز أسلوب بهاء طاهر هنا هو التنوع في رسم خلفية حياة كل شخصية وتأثير ده على تصرفاتهم كان عبقري من وجهة نظري.