الرواية دي تعتبر احدى الاثباتات على ان مش كل حاجة يُجمع عليها الناس بتكون كويسة فعلا!
لو اتكلمنا عنها من ناحية التاريخ، فالمعلومات التاريخية اللي فيها قليلة جدًا، فلم تضف لي شيء
واستغربت ان الناس بتعتبرها رواية تاريخية! هو فين التاريخ دا؟!
*دا غير ان أحيانا الكاتبة كانت بتظهر القشتاليين - المحتلين - بصورة طيبة رحيمة!
لو اتكلمنا عنها من الناحية الأدبية فهي رواية مملة لأقصى درجة وفيها تفاصيل كتير جدا ملهاش أي لازمة،
فيه صفحات كتير كنت بعديها من كتر الملل!
دا غير ان بعض العبارات اللي وردت على لسان أبطالها كان فيها تعدي على الله سبحانه وتعالى! زائد انها رواية غير محترمة بالمرة، والنقطتين دول أسوأ ما فيها فعلا
الرواية سيئة جدا ومش عارفة ايه اللي عاجب كل الناس فيها!!
عارفة ان رأيي مش هيعجب حد بس عادي ^^