حسابي معاك بعدين يا أنيس يا منصور

كان هذا التعليق في اللحظة التي أنهيت بها قراءة الكتاب

والآن حان وقت الحساب اللي بيني وبينه

المراجعة

**************

نبعت قراءتي لهذا الكتاب عن نية _ غير صافية _ من ناحيتي .. إذ بدأت بقراءته بالتزامن مع مذكرات الشاب الغاضب بهدف المقارنة بينهما والتي كنت أعرف مسبقا أنها لن تكون لا في صالح الشابة ولا في صالح انيس منصور

الشاب

*******

شاب أنيس منصور معثر وملطم والحياة بتودي وتجيب فيه _يا حبة عيني _لكنه مازال مثابرا معاصرا لأمور الحياة المختلفة؛ الاجتماعية والسياسية والاقتصادية وله دور فاعل في هذا المجتمع ويقاوم ويقاوم ويحاول ان يحقق طموحاته التي تكاد تعانق السماء لشدة ما تعلو

الشابة

********

أما بالنسبة للشابة الغاضبة فهي ليست غاضبة إلا لأنها تبحث عن عريس أو لأنها متزوجة أو لأن زوجها يخونها أو لأن أهلها اختاروا لها عريسا لا ترغبه... يعني باختصار شابة أنيس منصور تتمحور حياتها حول الزواج فقط وليس لها اهتمامات أخرى .. لا سياسية ولا لها طموح ولا أي حاجة ... يعني زي المتوقع من أنيس لما يحكي عن الستات ... إنسانة على الهامش

ملاحظة

********

أنا مش زعلانة من السيد انيس منصور ولا بحاسبه على أفكاره .. هو حر .. بس المفروض لما ييجي يكتب عن الستات .. مش حيجرى حاجة لو غاص في حياة كم ست بعيدين عن الوسط اللي هو عايش فيه.. وساعتها يشوف بجد هم الستات غاضبات ليه.. وأنا متأكدة إنه كان حيلاقي ستميت سبب يخليهم غاضبات غير الكلام اللي كتبه .. وساعتها حيكون كتابه أعمق ويوصل للقلب مش لل***ة